‘चीन विभाजन यायेगु कुतःया दमन जुइ’

चिनिया राष्ट्रपति सी जिनपिङं हंगकंगय् जुयाच्वंगु विरोध प्रदर्शनकारीतय्त संकेत यासें चीन विभाजन यायेगु कुतःयात दमन यायेगु कडा चेतावनी बियादीगु खँ धाःगु दु । चीनया सरकारी टेलिभिजन सीसीटिभीया कथं नेपाःया राजकीय भ्रमणय् दुगु इलय् हे आइतवाः सीं उगु प्रतिक्रिया बिउगु खँ धाःगु दु । सी आइतवाः नेपालं हे स्वदेश लिहां वनेधुंकूगु दु ।

वय्कलं चीनयात विभाजन यायेत जुइगु कुतः ‘त्यलातःगु म्हगः व त्वःधूगु क्वँचय्’ परिणत जुइगु ख्याच्वः बियादीगु खँ सीसीटिभीं धाःगु दु ।हंगकंगय् आइतवाः नं शान्तिपूर्ण ¥याली पिकाःगु खःसां प्रदर्शनकारी व सुरक्षाकर्मी दथुइ धाःस झडप जूगु खः ।

चिनियाँ सरकार पक्षय् दुगु धयातःगु सार्वजनिक यातायातया स्टेशन, पसलय् प्रदर्शनकारीतय्सं आक्रमण याःगु खः । आइतवाः जूगु झडपय् हंगकंग मेट्रो रेल सेवाया २७ गू स्टेशन बन्द याःगु खः । प्रहरीं प्रदर्शनकारीविरुद्ध तसकं म्हो जक बल प्रयोग यानागु खँ धाःगु दु ।