चीनं अस्ट्रेलियाया सैन्य विमानय् लेजर आक्रमण याःगु द्वपं

एजेन्सी- अस्ट्रेलिया रक्षा मन्त्रालयं चीनया नौसेनाया जहाजं थःपिनिगु सैन्य विमानय् लेजर प्रकाश प्रहार याःगु द्वपं बिउगु दु । अस्ट्रेलियाया रक्षा मन्त्रालयं बिउगु जानकारीकथं चिनियाँ जहाज उत्तर अस्ट्रेलियाया आराफुरा समुद्रय् थ्यंबलय् थ्व घटना जूगु खः । रक्षा मन्त्रालयं थज्याःगु ज्यां यानाः सेनाया जीवन जोखिमय् लाइ धाःगु दु । मन्त्रालयं घटनाया कडा निन्दा याःगु दु ।

अस्ट्रेलियाया प्रधानमन्त्री स्कट मोरिसनं चीनया सेनां ख्यायेगु थेंज्याःगु ज्या याःगु धाःगु दु । चीनं धाःसा थुकियात कयाः छुं नं कथंया प्रतिक्रिया वःगु मदुनि । अस्ट्रेलियाया पी–८ए पोसेइडन नांया जासुसी विमानय् लेजर प्रहार जूगु खः ।

अस्ट्रेलियाया दकलय् तःधंगु व्यापारिक साझेदारी चीनलिसे ताःई न्ह्यवनिसें विवाद खने दया वयाच्वंगु खःसा आः वयाः निगू देय् दथुया स्वापू झन्झन् ख्वाउँया वनाच्वंगु दु । अस्टे«लिया अमेरिकालिसे सतिनावःगुलिं यानाः निगू देय् दथुइ तनाव ब्वलानाच्वंगु खः ।
वंगु सेप्टेम्बरय् अस्टे«लिया, अमेरिका व बेलायतया दथुइ जूगु सुरक्षा सम्झौतां चीन तंचाःगु खः । व इलय् चीन सरकारया मुखपत्र ग्लोबल टाइम्सं अस्टे«लिया चीनया शत्रुइ परिणत जूगु धकाः समाचार बिउगु खः ।