हदबन्दी स्वयां अप्वः जग्गाया अनुगमन
येँ (नेपालभाषा टाइम्स) – भूमि व्यवस्थापन तथा अभिलेख विभागं हदबन्दी स्वयां अप्वः जग्गा न्याःगु वा तयेगु स्वीकृति काःगु संघसंस्थाया स्थलगत अनुगमन यायेत निर्देशन बिउगु दु । थीथी पीगू जिल्लाया भूमि प्रशासनयात पौ च्वयाः हदबन्दी स्वयां अप्वः जग्गा तयेगु अनुमति काःगु कम्पनी, उद्योग, प्रतिष्ठान व संघसंस्थाया स्थलगत अनुगमन यानाः स्वीकृत उद्देश्य कथं छ्यलाच्वंगु दु मदु धयागु बारे अध्ययन यानाः प्रतिवेदन पेश यायेत नं निर्देशन बिउगु दु ।
भूमि सम्बन्धी ऐन, २०२१ या दफा १२ (ङ) या उपदफा (१) य् हदबन्दी स्वयां अप्वः जग्गा न्यायेतवा तयेत स्वीकृति काःगु उद्योग,प्रतिष्ठान, कम्पनी, आयोजना, शिक्षण संस्था वा मेगु गुगुं संस्थां थःगु उद्देश्य कथं कार्य सम्पादन याः मयाः धयागु सम्बन्धय् अनुगमन व निरीक्षण यायेगुअधिकार समितियात बियातःगु दु । उगु हे दफाया उपदफा (२) स उगु समितिं आर्थिक दँ क्वचाःगु निलाया दुने सम्बन्धित स्थानीय तहया पराम–र्शय् उद्देश्य कथं जग्गा छ्यःगु वा मछ्यःगु सम्बन्धय् स्थलगत अनुगमन व निरीक्षण यानाः विभागय् प्रतिवेदन पेश यायेमाःगु व्यस्था दु ।
देय्न्यंकंया ४० गू भूमि प्रशासनयात च्वःगु पतिइ धयातःगु दु, ‘हदबन्दी स्वयां अप्वः जग्गा तयेगु अनुमति काःगु कम्पनी, उद्योग, प्रतिष्ठान लगयात संघसंस्था न्याःगु वा तयेगु स्वीकृत काःगु इलय्या
उद्देश्य कथं छ्यःगु वा मछ्यःगु सम्बन्धी प्रतिवेदन पेश मजूगुलिं समिति स्वयं थःहे फिल्डय् वनाः अनुगमन व निरीक्षण यानाः ऐनं याकनं प्रतिवेदन पेश यायेत इनाप यानाच्वना ।’
LEAVE YOUR COMMENTS