बुखँ

येँ (नेपालभाषा टाइम्स)/ बसन्तपुली च्वंगु कुमारी छेँय् नं खुयायंकूगु छगू त्वरं शुक्रवाः पुनस्र्थापना याःगु दु । कुमारी छेँया मूलुखाया खवय् लाःगु तिकिझ्याःया च्वय्च्वंगु त्वरं पुनस्र्थापना याःगु खः । थुगु त्वरं तयातःगु छाउनीस्थित राष्ट्रिय संगंहालयं तःजिक लसकुस यानाः त्वरंयात कुमारी छेँय् थ्यंकःहःगु खः । त्वरं काःवनेगु निंतिं येँ महानगरपालिकाया उपमेयर सुनिता डंगोल, येँ महानगरपालिका २३ वडाया वडाअध्यक्ष मचाराजा महर्जन, […]

बोस्टन- बोस्टनय् सक्वया न्यागू ध्वाखा व नेपाःया थीथी सम्पदाया चित्रकला ब्वज्या जूगु दु । बोस्टनया गालाटिया फाइन आर्टय् ‘टु द गेट्स’ शीर्षकय् मय्जु निभा श्रेष्ठया एकल चित्रकला ब्वज्या वंगु नोवेम्भर ७ निसें न्ह्याःगु खः । थौंकन्हय् अमेरिकाया बोस्टन शहरय च्वनादीम्ह निभा श्रेष्ठ सक्वया हे म्ह्यायमचा खः । वय्कलं बोस्टन शहरया आर्ट ग्यालरीइ न्हापा नं थःगु एकल चित्रकला ब्वज्या […]

यँ (नेपालभाषा टाइम्स)÷अमेरिकाय् च्वंपिं नेवाःतय्सं स्वनातःगु संस्था नेपाः पासा पुचः अमेरिकाय् (एनपीपीए) या न्हूम्ह नायः पदय् मय्जु शान्ति श्रेष्ठयात ल्यःगु दु । ने.सं. ११४६ न्हूदँ हना लिसें जूगु संस्थाया ३५ क्वःगु दँमुँज्यां मय्जु श्रेष्ठयात न्हूम्ह नायः ल्यःगु खः । मुँज्यां वय्कःया नां घोषणा यायेवं वय्कलं स्वीकृति न्वचु बिसें थःगु कार्यकालय् यायेगु ज्याया बारे कनादीगु खः । थुकिया नापं […]

येँ (नेपालभाषा टाइम्स)- नेपालभाषा टाइम्सया ग्वाहालिमि वरिष्ठ समाजसेवी दिलबहादुर मानन्धर मंत । वय्कः थौं सुथय् ८६ दँया वैंशय् मनमोहन अस्पतालय् वासः याकुयाकुं मदुगु खः । वय्कःया लछि न्ह्यः जक प्रोस्टेट ल्वय् सम्बन्धी अपरेशन जूगु खः । अपरेशन लिपा छेँय् लिहां वयेधुंकूम्ह खःसां छुं न्हि न्ह्यव निसें विरामी जुयाः वासः याकाच्वनादीम्ह खः । वय्कःया अन्त्यष्टी थौं […]

येँ (नेपालभाषा टाइम्स)÷ राष्ट्रपति रामचन्द्र पौडेलं वर्तमान राजनीतिक परिस्थितियात कयाः थीथी राजनीतिक दलतलिसे सहलह यायेगु झ्वलय् म्हिगः संघीय समाजवादी पार्टीलिसे खँल्हाबल्हा याःगु दु । म्हिगः राष्ट्रपति पौडेलं संघीय समाजवादी पार्टी नेपालया संघीय अध्यक्ष राजेन्द्र श्रेष्ठ व उपाध्यक्ष रत्नध्वज कन्दङ्वालिसे सहलह यानादीगु खः । सहलहया झ्वलय् राष्ट्रपति पौडेलं वर्तमान राजनीतिक परिस्थिति व चुनावय् वनेगु बारे न्यने […]

येँ (नेपालभाषा टाइम्स)÷ येँ महानगरपालिका २० वडाय् लाःगु इलाछेँ बिच्छेबहालय् च्याःगु मि थौं सुथय् सवा नौबजे पाखे नियन्त्रणय् वःगु दु । सुथय् ४ बजे पाखे मोहन शाहया कापःया गोदामय् च्याःगु मि तच्वः जुयावनाः मेगु स्वखा छेँ व अन च्वंगु छगः देगः ध्वस्त यानाबिउगु दुसा, मेगु स्वखा प्यखा छेँय् नं थिउगु खः । कापःया गोदामय् च्याःगु […]