कोभिड-१९ संक्रमित ४० लख थ्यन

लन्डन (एजेन्सी) – कोभिड-१९ संक्रमितया ल्या: शनिवा: तक दुने ४० लख थ्यंगु जोन्स हपकिन्स विश्वविद्यालयं धा:गु दु । थुपिं संक्रमितमध्ये सिपिनिगु ल्या: निगू लख ७७ द्व थ्यंगु दु । कोरोना भाइरस संक्रमणया महामारीं दकलय् अप्व: लिच्व: ला:गु दे अमेरिका जूगु दु । विशेषज्ञतय्सं संक्रमितया ल्या: अझ अप्व: दयेमा:गु नं अनुमान या:गु दु । अपेक्षासिबें कम हे जक परिक्षण जूगुलिं संक्रमितया ल्या: पुवकं मव:गु अनुमान ख: । अप्व: धयाथे देसय् संक्रमितमध्ये सिपिगु ल्या: धा:सा कम जुयाच्वगु दु ।