पाकिस्तानया सिमानाय् अफगानिस्तानया आक्रमण

एजेन्सी – पाकिस्तानया सिमानाय् अफगानिस् तानया तालिबान सरकारं आक्रमण याःगु दु । अफगानया तालिबान सरकारं पाकिस्तानया सीमायात लक्षितयासे आक्रमण यानागु धाःगु दु ।

पाकिस्तानया दक्षिणपश्चिमी बलूचिस्तान प्रान्तय् जूगु आक्रमणय् आपालं मनूत घाःपाः जूगु तालिबानया दाबी दु । थुखे पाकिस्तानया सेनां नं अफगानिस्तानया प्यंगः ड्रोन कुर्कागु दाबी याःगु दु । थप उत्तेजित यायेत स्वल धाःसा उकिया कडा लिसः बीगु पाकिस्तानी सेनां धाःगु दु ।आक्रमणया स्वतन्त्र पुष्टि धाःसा मजूनिगु बीबीसीं न्ह्यथंगु दु ।

थ्व स्वयां न्ह्यः संयुक्त राष्ट्रसंघं आइतवाः पाकिस्तानं अफगानिस्तानय् याःगु हवाई आक्रमणय् २८ म्ह सर्वसाधरण सीगु पुष्टि याःगु खः । निगू देय्‌या दथुइ हप्तौं तक जूगु झडपलिपा वंगु अक्टोबरय् युद्धविराम यायेगु सहमति जूगु खः । सहमति कथं छुं ईतक शान्त जुयाच्वंगु खःसा लिपा हाकनं तनाव सुरु जूगु खः ।

तालिबान सरकारं पाकिस्तानयात बिना उक्साहट आक्रमण यानाच्वंगु व सर्वसाधारणतय्त स्यानाच्वंगु द्वपं बियावयाच्वंगु दुसा पाकिस्तानं आतंककारीतय्‌त जक लक्षित यानाच्वनागु दाबी यानाच्वंगु दु ।