नेपालय् धुँया ल्याः ४२९ थ्यन
येँ (रासस) – लिपांगु गणना कथं ने पालय् धुँया ल्याः ४२९ म्ह थ्यंगु दु । विश्व धुँ दिवसया लसताय् म्हिगः कृषि, वन लिसें पर्यावरण मन्त्रालयं धुँया लिपांगु गणना सार्वजनिक याःगु खः ।
कृषि, वन लिसें पर्यावरण मन्त्री गीता चौधरीं सार्वजनिक यानादीगु २०८२ या गणना कथं मुक्कं धुँया ल्याः देय्न्यंकं ४२९ थ्यंगु खः । लिपांगु गणना कथं चितवन राष्ट्रिय निकुञ्जय् १४५ म्ह, बर्दिया राष्ट्रिय निकुञ्जय् ११२ म्ह, पर्सा राष्ट्रिय निकुञ्जय् ७१ म्ह, बाँके राष्ट्रिय निकुञ्जय् ५१ म्ह व शुक्लाफाँटा राष्ट्रिय निकुञ्जय् ५० म्ह धुँ दु ।
लिपांगु दिनय् संरक्षण क्षेत्र व बासस् थानय् जूगु सुधार, सिकार प्रजाति अप्वःया वःगु कारणं धुँया ल्याः अप्वःगु धाःगु दु । नेपालय् मू यानाः प्यदँय् छक्वः धुँ गणना यायेगु याइ । सन् २०२२ या धुँ गणना कथं देय्न्यंकं धुँया ल्याः ३५५ दुगु खः ।
सन् २०२२ या गणनाकथं दकसिबे अप्वः धुँ चितवन राष्ट्रिय निकुञ्जय् १२८ म्ह, उकिया लिपा बर्दिया राष्ट्रिय निकुञ्जय् १२५ म्ह, पर्सा राष्ट्रिय निकुञ्जय् ४१ म्ह, शुक्लाफाँटा राष्ट्रिय निकुञ्जय् ३६ म्ह व बाँके राष्ट्रिय निकुञ्जय् २५ म्ह धुँ दुगु खः । मन्त्रालयं २००९ निसें प्यँदय् छक्वः धुँ गणना याना वयाच्वंगु दु । नेपालय् धुँया ल्याः सन् २०१० य् १२१ म्ह, सन् २०१४ य् १९८ म्ह व २०१८ य् २३५ म्ह दूगु खः ।
दँय्दसं जुलाई २९ यात धुँ दिवस कथं न्यायेके गु याइ । सन् २०१० य् रूसया सेन्ट पिटर्सबर्गय् जूगु धुँ शिखर सम्मे लनया घोषणा लिसें थ्व दिवस न्यायेकेगु याना हःगु खः । तत्कालीन इलय् धुँया ल्याः तःगतिइ म्हो जुयाः वंगु अवस्थायात पनेत व उमिगु प्राकृतिक बासस् थानया संरक्षण यायेगु तातुना दिवस न्यायेकेगु यानाहःगु खः ।
धुँ स्वस्थ पारिस्थिकीय प्रणालीया सूचक व प्राकृतिक खाद्य श्रंखलाया दकसिबे च्वकाय् लाःगु महत्वपूर्ण प्रजाति खः ।
LEAVE YOUR COMMENTS