फ्रान्सेली टिमयात उच्च सम्मान बीगु

फ्रान्सं विश्वकप त्याकावःगु टिमया कासामितय्त देय्या सर्वोच्च सम्मान लिजन दि अनर लःल्हाइगु जूगु दु । राष्ट्रपति एम्मानुएल मांक्रोया कार्यालयं कासामितय्त थ्व सम्मान लःल्हायेगु घोषणा याःगु खः । वंगु आइतवाः मस्कोय् जूगु विश्वकप फाइनलय् क्रोसियायात निगूया विरुद्ध प्यंगू गोलं बुकाः फ्रान्सं विश्वकप त्याकूगु खः ।

फ्रान्सं नीदँ लिपा थुगुसी विश्वकप उपाधी ल्ह्वंगु खः ।पेरिसय् विश्वविजेता टोलीयात भव्य लसकुस यासें राष्ट्रपति माक्रों उमिगु सम्मानय् भ्वय् ग्वसाः ग्वःगु खः । कासामितय्त लसकुस यायेत पेरिया विमानस्थलय् तःधंगु ल्याखं समर्थकत मुंगु खःसा देय्न्यंकं चछि लसता हनाच्वंगु दु ।