कोपा अमेरिका ब्राजिलय् हे जुइगु

एजेन्सी- ब्राजिलया सर्वोच्च अदालतं कोपा अमेरिका कप फुटबल धेंधेंबल्लाः ब्राजिलय् यायेगु निंतिं लँ चायेकाबिउगु दु । कोपा अमेरिका कप वइगु जून १४ निसें जुइत्यंगु दु । धेंधेंबल्लाः जुइ स्वयां छुं न्हि न्ह्यव जक दक्षिण अमेरिकी फुटबल फेडरेसनं थ्व धेंधेंबल्लाः ब्राजिलय् यायेगु क्वःछिउगु खः । तर ब्राजिलय् यायेगु धाःसा अन कोभिड १९या महामारी न्यनाच्वंगुलिं थ्व धेंधेंबल्लाः याके मजिउ धकाः सर्वोच्च अदालतय् मुद्दा लाःगु खः । थ्व मुद्दाय् फैसला यासें शुक्रवाः अदालतं ब्राजिलया संविधानं अदालतयात थ्व धेंधेंबल्लाः पनेगु अधिकार बियातःगु मदु धाःगु खः ।

न्हापा थ्व धेंधेंबल्लाः अर्जेन्टिना व कोलम्बियां मंकाः कथं यायेगु क्वःछिनातःगु खः । तर धेंधेंबल्लाः सुरु जुइ लछि ति न्ह्यः तच्वया वःगु आन्दोलनया कारणं कोलम्बियाय् धेंधेंबल्लाः मयायेगु व अर्जेन्टिनाय् जक यायेगु धाःगु खः । तर धेंधेंबल्लाः सुरु जुइ झिन्हु न्ह्यव फेडेरेसनं अर्जेन्टिनाय् कोभिडया महामारी तच्वया वःगु धासें अन हे मयायेगु क्वःछिउगु खः ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित