आईपीएल मजुसा ५३ करोड डलर घाटा
मुम्बई (एएफपी) – थुगुसीया इन्डियन प्रिमियर लिग (आईपीएल) कोरोना भाइरस संक्रमण महामारीया कारण जुइमफुत धा:सा त:धंगु घाटा जुइगु अनया क्रिकेट बोर्ड बीसीसीआईं मंगलवा: धा:गु दु । आईपीएल न्ह्या:गु १२ दँ लिपा स्थगित जुइगु लगभग निश्चित स्थिति दु । भारतय् कोभिड १९ संक्रमण अझ तच्वयाच्वंगु स्थितिइ बोर्डं आईपीएलया स्थिति थथे हे जुइ धका: धायेफयाच्वंगु मदु । पूर्व निर्धारित ज्याझ्व: कथं थुगुसीया आईपीएल मार्च २८ य् जुया क्वचाये मा:गु ख: । तर बीसीसीआईं आईपीएल यायेगु मिति लिछ्याना च्वंगु दु । बीसीसीआईया दाँभरी अरुण धुमलया कथं आईपीएल मजुल धा:सा त:धंगु क्षति जुइ, अले थ्व ५३ करोड डलर तक थ्यनेफु ।
LEAVE YOUR COMMENTS