हत्या जुल धाःम्ह पत्रकार जीवित

हत्या जुल धाःम्ह छम्ह रुसी पत्रकार म्वाःम्वाकं पत्रकार सम्मेलनय् वयाः सकसितं वाताहां यानाबिउगु दु । रुसी राष्ट्रपति भ्लादिमिर पुटिनया कट्टर आलोचक जुयाच्वंगु अर्काडी बाब्चेन्कोया हत्या जूगु खँ युक्रेनी प्रहरीं धाःगु खः । तर युक्रेनी प्रहरीं हे बिहिवाः छगू पत्रकार सम्मेलनय् बाब्चेन्कोयात सकुशल उपस्थित याकूगु खः ।

पत्रकार सम्मेलनय् बाब्चेन्कों थःगु हत्या यायेगु योजना दयेकूगु धयागु बारे थःत लछि न्ह्यव हे सुचं वःगु जानकारी बिउगु ख । पत्रकार सम्मेलनय् युक्रेनया गुप्तचर सेवा प्रमुखं पत्रकार बाब्चेन्कोयात स्यायेगु निंतिं रुसी गुप्तचर निकायं आदेश जारी याःगु खँ धाःगु दु । बाब्चे–न्कोया हत्या यायेगु षडयन्त्रय् दुथ्याःम्ह छम्हेसित ज्वनागु खँ नं युक्रेनी प्रहरीं धाःगु दु ।

बाब्चेन्कों थःगु ज्यान बचे यानाबिउगुलिं युक्रेनी प्रहरीयात सुभाय बिउगु दु । थ्वयां न्हयः युक्रेनी प्रहरीं हे बाब्चेन्कोयात वयागु छेँ न्ह्यःने हे गोलीं कयेकूगु व वया कलातं खनेधुंकाः अस्पताल यंकाच्वंगु इलय् एम्बुलेन्सय् हे सीगु जानकारी बिउगु खः ।
पत्रकार बाब्चेन्को क्रेम–लिनया कट्टर अलोचक जूगुलिं वयात स्यायेगु षडयन्त्र जुयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS