इजरायलया संसद विघटन, निदँया दुने प्यक्वःगु चुनाव

एजेन्सी – इजरायलया गठबन्धन सरकारं मंगलवाः देय्या संसद विघटन यानाबिउगु दु । गठबन्धन सरकारं संसद भंग यानाबिइवं इजरायलय्नि दँया दुने प्यक्वःखुसी निर्वाचन जुइगु जूगु दु । संसदं बजेट पारित यायेमाःगु समयसीमा पूवंकेमफयेवं प्रधानमन्त्री नेतान्याहुं संसद भंग यानादीगु खः । आः वइगु दँ सन् २०२१या मार्च २३ पाखें चुनाव जुइफुगु सिएनएनं धाःगु दु ।

प्रधानमन्त्री नेतान्याहु व वय् कःया प्रतिद्वन्द्वी रक्षामन्त्री बेनी गान्ट्जया नेतृत्वय् गठबन्धनं २०२० या बजेट स्वीकृत यायेगु सोमवाः चान्हय् तकया म्याद पार यानाः संसद स्वतः भंग यायेत बाध्य याःगु खः । प्रधानमन्त्री नेतान्याहु व गठबन्धन सरकारया सांसदतय्सं वं वयात वं वयात दोष बीगु यानाच्वंगु दु ।

कोरोना भाइरसउया महामारीया अवस्थाय् नेतान्याहुंयात हाकनं चुनाव यायेत बाध्य यानाबिउगु दु । नेतान्याहुविरुद्ध लानाच्वंगु भ्रष्टाचारया मुद्दा आः झन तच्वया वइगु खनेदु ।