ओजिलया इहिपाय् राष्ट्रपति ‘बेस्टम्यान’

जर्मनीया पुलांम्ह मिडफिल्डर मेसुट ओजिलं पुलांम्ह मिस टुर्कि अमीन गल्सलिसे ब्याहा याःगु दु । ओजिलया इहिपा समारोहय् टर्किया राष्ट्रपति रेचेप तै्ययप अर्दोआन ‘बेस्ट म्यान’ जुयादीगु खः । ओजिल मूलतः टर्कियाम्ह खः । छुं दँ न्ह्यव टर्किया राष्ट्रपति अर्दोआन लिसे च्वनाच्वंगु किपा पिहांवःबलय् ओजिलया तच्वःगु आलोचना जूगु खः ।

थ्व विवाद पिहां वयेवं ओजिलं थःत जातीय भेदभाव याःगु धासें अन्तर्राष्ट्रिय फुटबलं हे संन्यास काःगु खः । ओजिलं थःगु ब्याहाया निंतिं राष्ट्रपति अर्दोआनयात बेस्ट म्यान जुइत न्यनागु खँ सार्वजनिक याःबलय् नं तसकं विवाद पिहांवःगु खः । ओजिल व गल्सया ब्याहा टर्किया बोस्फोरसया सिथय् च्वंगु आलिशान होटलय् जूगु खः ।