अफगानय् तालिवानतय् आक्रमण

एजेन्सी – अफगानिस्तानय् तालिवान पृथकतावादीतय्सं याःगु आक्रमणय् लानाः म्होतिं नं झिंखुम्ह सुरक्षाकर्मी सीगु दु। घटनाय् लानाः झिंम्ह मल्याक मेपिं सुरक्षाकर्मी घाःपाः जूगु खँ धाःगु दु ।

अफगानिस्तानया बाघलान प्रान्तया गोजारगाह ए नूर जिल्लाया छगू प्रहरी चौकीइ तालिवान विद्रोहीतय्सं आक्रमण याःगु खँ रक्षा मन्त्तालयं धाःगु दु। मन्त्रालयया कथं प्रान्तीय प्रहरीया मूज्याकू लिक्क नं भिडन्त जूगु खः । तालिवान पाखे गज्याःगु क्षति जूगु धयागु खँ धाःसा सीमदुनि । अफगान सेना व प्रहरीया निंतिं अमेरिकी सैनिकतय्सं नं बन्दोबस्ती प्रबन्ध यानाच्वंगु अफगानिस्तानस्थित अमेरिकी सैनिक कमान्डरं धयादीगु दु। थ्व आक्रमणया बारे थप विवरण वये ल्यं दनि ।

अफगान सरकार व तालिवान दथुइ कतारया दोहाय् प्रत्यक्ष वार्ता जारी हे जुयाच्वंगु अवस्थाय् अफगानिस्तान दुने हिंसात्मक ल्वापु न्हियान्हिथं
धयाथें जुयाच्वंगु दु। तालिवान व अमेरिका दथुइ शान्ति स्थापनाया निंतिं छगू सम्झौताय् हस्ताक्षर जूसां दिगो शान्ति स्थापना यायेत अझं थाकुइगु खँ धाःगु दु ।

सम्बन्धित बुखँ

LEAVE YOUR COMMENTS