चीनिया सामानय् हाकनं कर अप्वयेकेगु ट्रम्पया ख्याच्वः

अमेरिकी राष्ट्रपति डोनाल्ड ट्रम्पं मेगु वालं निसें लागू जुइ कथं २०० अर्ब डलर बराबरया चिनिया सामानय् कर अप्वयेकेगु चेतावनी बिइवं सोमवाः एशियाली शेयर बजाः ह्वाट्ट हे कुहांवःगु दु ।ट्रम्पया ख्याच्वः वयेवं सांघाइ बजार छन्हुं हे ५ प्रतिशतं कुहां वःगु दुसा हंगकंग शेयर बजाः ३.३ प्रतिशतं, सिंगापुरया शेयर बजाः ३.३ प्रतिशतं व ताइपेईया शेयर बजाः १.८ प्रतिशतं कुहां वःगु खः ।

अथेहे एशियाया मेमेगु बजारय् नं मन्दी खनेदुगु दु ।विश्व अर्थतन्त्रय् दकलय् तःधंगु व निगूगु थासय्लाःगु अमेरिका व चीन दथुइ जुयाच्वंगु व्यापारीक तनावया झ्वलय् निगू देय् दथुइ थीथी चरणय् वार्ता जुयाच्वंसां थ्व वार्ता धाःसा तार्किक निष्कर्षय् थ्यने फयाच्वंगु मदुनि ।

व्यापार वार्ता तसकं सुस्त कथं न्ह्याःवनाच्वंगु धासें राष्ट्रपति ट्रम्पं चीनयात थप दबाब बीत थ्व ख्याच्वः बिइगु विश्लेषकतय् धापु दु ।
राष्ट्रपति ट्रम्पं आइतवाः छगू ट्विट यासें धाःगु खः, ‘वंगु झिला न्ह्यवनिसें चीनं ५० अर्ब बराबरया उच्च प्रविधिया सामग्रीइ २५ प्रतिशत कर पुला वयाच्वंगु दुसा २०० अर्ब डलर बराबरया सामानय् थप १० प्रतिशत कर पला वयाच्वंगु दु ।

तर आः वइगु शुक्रवाःनिसें थ्व १० प्रतिशत करयात नं २५ प्रतिशत यायेगु जुइ ।’अमेरिकी राष्ट्रपतिया थ्व ट्विट वयेवं अमेरिका व चीन दथुइ जुयाच्वंगु व्यापारीक वार्ता धाःसा न्ह्याः वनी लाकि मवनी धयागु खँय् अन्योल जूगु दु । आः जुयाच्वंगु वार्ताया निंतिं चीनया प्रतिनिधिमण्डल थ्व हे वालय् अमेरिका वनेगु ज्याझ्वः तयातःगु खः ।

 

सम्बन्धित बुखँ

LEAVE YOUR COMMENTS