येँ मनपाय् करिब १९ अर्ब तकाया बजेट

येँ – येँ महानगरपालिकां म्हिगः आर्थिक वर्ष २०७८÷८९ या लागिं १८ अर्ब ९५ करोड ७७ लाख १२ हजार तकाया बजेट सार्वजनिक यात । येँ मनपाया थन जुयाच्वंगु गुक्वःगु नगर सभा बैठकय् उपमेयर हरिप्रभा खड्गी श्रेष्ठं थ्व बजेट प्रस्तुत यानादीगु खः ।

थ्व बजेट मध्ये पूर्वाधार विकासपाखे १० अर्ब ८० करोड तका खर्च यायेगु लक्ष्य तयातःगु दु । बजेटया दकलय् अप्वः ब्व थुकी हे खर्च यायेगु ताः तयातःगु दु ।

अथे हे कार्यालय सञ्चालनया लागिं ३ अर्ब ७५ करोड ७७ लाख तका खर्च यायेगु ताः तयातःगु दु । उकथं हे आर्थिक विकास क्षेत्रपाखे ५५ करोड, सामाजिक विकासपाखे २ अर्ब ७० करोड व सुशासन तथा अन्तर सम्बन्धित क्षेत्रपाखे १ अर्ब १५ करोड तका खर्च यायेगु लक्ष्य तयातःगु दु ।

मनपां आः दयेकूगु थ्व बजेटया लागिं माःगु दां मध्ये आन्तरिक आयपाखें ४ अर्ब ३४ करोड ३२ लाख, राजस्व बाँडफाँडपाखें २ अर्ब ५८ करोड २५ लाख, नेपाल सरकार एवं प्रदेश सरकार निःशर्त अनुदानपाखें ८३ करोड ९९ लाख व सशर्त अनुदानपाखें १ अर्ब ३७ करोड ७ लाख तका प्राप्त जुइगु अनुमान याःगु दु ।

थुकिया नापनापं महानगरपालिकां थःपिंसं उठे यायेगु करया दररेट नं कायम यानाः सार्वजनिक याःगु दु । म्हिगः मनपां थःपिनि आय बारे ल्याःचाः न्ह्यब्वःगु खःसा आः वइगु २० गते खर्च सम्बन्धी ल्याःचाः नं न्ह्यब्वयेगु ताः तयातःगु दु । निगुलिं ल्याःचाः वयेधुंकाः थुकियात मंकाः कथं पारित यायेगु ताः तयातःगु दु ।

सम्बन्धित बुखँ

LEAVE YOUR COMMENTS