निलम्बित श्रीलकाली संसद फुकुवा

श्रीलंकाया राष्ट्रपति मैथ्रीपाला सिरिसेनां संसद निलम्बन फुकुवा यानाः सोमवाःया निंतिं संसद बैठक सःतादीगु दु । सरकारी अधिकारीतय्सं निम्ह प्रधानमन्त्री दथुया शक्ति संघर्ष ज्यंकेत संसदया बैठक सःतूगु खँ धाःगु दु ।राष्ट्रपति सिरिसेनां रनिल विक्रमासिंङ्घेयात प्रधानमन्त्री पदं बर्खास्त यानाः संसद निलम्बन यानादीगु खः ।

संसद निलम्बन यायेवं राष्ट्रपतिं रनिल विक्रमासिंङ्घेया थासय् पुलांम्ह राष्ट्रपति महिन्द्रा राजापाक्षयात प्रधानमन्त्री नियुक्त यानादीगु खः । विक्रमासिङ्घें राष्ट्रपतिया पलाःयात खारेज यासें प्रधानमन्त्रीया सरकारी निवास त्वःतेत अस्वीकार याना च्वनादीगु दु ।

बुधवाः सनिलय् राष्ट्रपति व संसदया सभामुख दथुइ भेटवार्ता जूगु खः । थ्व छगू कथं मध्यस्थता जूगु खँ वार्ताय् सहभागी छम्ह अधिकारीं धाःगु दु । वार्ता मजूगु खःसा सभामुखं राष्ट्रपतियात बेवास्ता यानाः शुक्रवाः हे संसद बैठक सःते त्यंगु खः ।