अमेजनया संस्थापक जेफ बेजोस इतिहासया हे तःमिम्ह मनू

एजेन्सी- अमेरिकाया ई–कमर्श कम्पनी अमेजनया संस्थापक जेफ बेजोस इतिहासया हे दकलय् तःमिम्ह मनू जूगु दु । मंगलवाः कम्पनीया शेयरया भाः थहां वनेवं बेजोस इतिहासया दकलय् तःमिम्ह मनू जूगु खः । थीथी सञ्चार माध्यमया कथं मंगलवाः कम्पनीया शेयरया भाः ४.७ प्रतिशतं थहां वनेवं बेजोसया सम्पत्ति निगू खर्ब ११ अर्ब डलर थ्यंगु दु । मंगलवाः छन्हुया दुने हे बेजोसया सम्पत्ति ८ अर्ब ८० करोड डलर अप्वःगु खः । अमेरिकाया रक्षा मन्त्रालयं माइक्रोसफ्टलिसे याःगु सम्झौता रद्द यायेवं कम्पनीया शेयर थहां वंगु खः ।