अफगानिस्तानय् सन्दीपया डेब्यु

युएइ जुयाच्वंगु अफगानिस्तान प्रिमियर लिग¬(एपिएल)य् सन्दिप लामिछानें डेब्यु याःगु दु । सन्दीप नगरहर लिओपार्डस पाखें एपिएलय् डेब्यु याःगु खः । पक्टिया प्यान्थर्स नाप जूगु डेब्यु कासाय् सन्दीपं निगू विकेट काःगु खः । प्यंगू ओभर बलिङ यानाः सन्दिपं २३ रन बियाः निगू विकेट काःगु खः ।

न्हापांगु ओभर बलिङ याःबलय् १८ रन बिउम्ह सन्दिप निगूगु ओभरय् १ रन, स्वंगूगु ओभरय् २ रन व प्यंगूगु ओभर २य् रन बिउगु खः । सन्दिप दक्षिण अफ्रिकाया क्यामरोन डेल्पोर्टयात ६ रनय् व जिम्बाबेया सिकन्दर राजायात शून्यय् आउट याःगु खः । निगुलिं विकेट स्वंगू ओभरय् काःगु खः ।

सन्दिपया टिम नगरहर लिओपार्ड धासाः ७ विकेट पराजित जूगु खः ।न्हापां ब्याटिङ याःगु लिओपार्डसं २० ओभरय् १२६ रन दयेकाः अलआउट जूगु खः । १२७ रनया लक्ष्य ज्वना वःगु पक्टिया प्यान्थर्स १४.४ ओभरय् ३ विकेटया क्षतिइ पुरा याःगु खः ।