ने. सं. ११४६ अनलागा त्रयोदशी -

विश्वकपया न्यागू ‘डार्कहर्स’ टिम

फुटबलया विश्वकप सुरु जक छु जुइमाः, सकसिया म्हुतुइ च्वनीगु न्ह्यसः खः, थुगुसी त्याइगु टिम छु जुइ ? अले थ्व नापं स्वाना वइ, छु ब्राजिल हाकनं छक्वः च्याम्पियन जुइला ? इंग्ल्यान्ड छुं छगू तःधंगु उपाधि त्याकेत पियाच्वंगु यक्व दत, छु थ्व पालय् इंग्ल्यान्डया निंतिं छुं बांलाःगु जुइ कि ? हाकनं गनं लियोनल मेसीं हे अर्जेन्टिनायात त्याकीगु जकं मखुला ? उलि जक मखु, फ्रान्स व स्पेन थें जाःगु टिमया प्रदर्शन गथे जुइगु जुइ ?

फुटबलया मज्जा धयागु हे छु धाःसा बल्लाःगु टिमं उपाधि त्याकी धयागु अनुमान छखे दयेफु, तर गुबलय् कासा न्ह्याइ, फुक्क कथंया सम्भावना खने दयावइ । थुकिं हे ला खः, फुटबलयात न्ह्यइपुकीगु । अझ धाये, विश्वकपयात रोमाञ्चक दयेकीगु । थ्व ल्याखं पारम्पारिक फुटबल शक्तितय्त थुगुसी चुनौती बीफुपिं टिमत छु छु खः ले ? थुमित फुटबलया भासं अप्वः धयाथें ‘डार्कहर्स’ धाइ, थथे छाय् धाःसा थुमिसं छुं न छुं यानाः क्यनेफु ।थुकिया छगू बांलाःगु दसू ला मोर क्को हे खः । प्यदँ न्ह्यः कतारय् जूगु विश्वकपय् मोरक्कों सेमिफाइनल तकया यात्रा यानाः सकसितं अजू चायेकूगु खः । उबलय्या विश्वकप सुरु जुइ न्ह्यः तक मोरक्को नकआउट चर णय् तक थ्यनी धयागु खँय् हे शंका दुगु खः । तर वं सेमिफाइनल वनेगु झ्वलय् स्पेन व पोर्चुगल थेंज्याःगु टिमयात नं बुकल । थथे थुगुसीया विश्वकपय् नं अज्याःगु छगू टिम दयेफु । अथे खःसा थुपिं छु छु जुइफु ले ?

नर्वे
छुं मखुसां स्वंगू दशक लिपा विश्वकपय् नर्वे खनेदयाच्वंगु दु, अले छताः खँ निश्चित दु, थ्व पालय् छगू बल्लाःगु टिमय् थ्व नं लाः । नर्वे नं दकलय् लिपा सन् १९९८ या विश्वकपय् म्हितूगु खः । थुगुसी नर्वेपाखें यक्वसिया आशा नं यानाच्वंगु दु । थुकिया छताः स्पष्ट कार ण खः, इर्लिङ हालान्ड । म्यानचेस्टर सिटीया कासा स्वया वयाच्वंपिंत हालान्ड गुलि बांलाःम्ह फर वार्ड खः धकाः धयाच्वने म्वाः । अथेला हालान्ड छम्ह जक नर्वेली टिमया स्टार कासामि मखु । सम्भवतः अनुभवया ल्याखं उतिकं आशयायेबहम्ह कासामि ला मार्टिन ओडगार्ड खः । छगू कथं धाये, पूराटिम युरोपया प्रमुख लिगय् म्हितीपिं कासामिं जाः । नर्वे विश्वकपया ग्रुप ‘आई’ लय् लानाच्वंगु दु । उकी नर्वेया फ्रान्सनाप जुइगु कासा स्वयेबह जुइ ।

इक्वेडर
दक्षिण अमेरि की थ्व टिमयात आःया विश्वकपय् छता फाइदा दु । दकलय् न्हापा ला थ्वं विश्वकप म्हितेत ताःहाकःगु यात्रा यायेम्वाल । अले थुगुसीया विश्वकपय् तांन्वया म्हितेत मेमेगु टिमयात गुलि थाकुइफु, उलि इक्वेडर यात थाकुइमखु । छाय् धाःसा इक्वेडर या कासामितय्त अमेरि काया तांन्वःगु मौसमय् हे म्हितेगु बानी दु । इक्वेडर या प्रशिक्षक खः, सबास्टिन बोकाकेके । वया नेतृत्वय् इक्वेडर आःया विश्वकपय् दकलय् अनुशासित टिम खः । विशेषतः थ्व टिमया डिफेन्स तसकं बल्लाः । दक्षिण अमेरिकी विश्वकप छनोटय् इक्वडेर छगू हे जक कासाय् पराजित जूगु खः । अले वयासिबें महइभ्वपूर्ण खँ छु धाःसा थ्व टिम अर्जेन्टिना धुंकाः छनोटया निगूगु थासय् लाःगु खः । थ्व टिम जर्मनी, आइभरीकोस्ट व कुराकाओ दुथ्याःगु ई पुचलय् दु ।

कोलम्बिया
न्ह्याक्व हे बांलाःसां धाथें धायेगु खःसा विश्वकप त्याकेमफुगु टिमया धलखय् दकलय् न्ह्यःने लाइगु धयागु कोलम्बिया हे खः । कोलम्बियायात थ्वयां न्ह्यः नं विश्वकपया सम्भावित विजेता धाइपिं यक्व दुगु खः । थ्व पालय् नं थथे हे खः । दक्षिण अमेरि की फुटबलय् कोलम्बिया लिपांगु इलय् छगू बल्लाःगु शक्ति हे जुयाच्वंगु दु । आःया टिमय् कोलम्बियाया डिफेन्स बमलाः धकाः विश्लेषण यायेगु याः । तर थुकिया अःखः, कोलम्बियाली टिमया आक्रमण सुं सिबें म्हो मजू । लुइस डियाज, लुइस स्वारेज व जेम्स रोडरिग्वे थेंज्याःपिं कासामिं कोलम्बियाली आक्रमणया नेतृत्वय याइगु जुइ । थ्व टिमं डिफेन्स भचा जक बांलाकेगु खःसा न्ह्यागुं जुइफु । कोलम्बिया के पुचलय् लाना च्वंगु दु, उकी पोर्चुगल, उज्वेकिस्तान व कंगो नं दुथ्याः ।

जापान
लिपांगु इलय् जापान एसियाया दकलय् बल्लाःगु टिम धाःसां जिउ । गुलि नं लिपांगु विश्वकपय् जापानं म्हितूगु दु, उकी वया प्रदर्शन उच्च हे दु । उकिया दकलय् बांलाःगु उदाहर ण ला कतार विश्वकप हे खः, गुकी जापानं स्पेन व जर्मनी थेंज्याःगु टिमयात बुकूगु खः । जापानी टिमया आःया विशेषता धयागु थ्व टिम सुयां न्ह्यःने ग्याना म्हितीमखु, अले प्राविधिक ल्याखं थ्व टिम तसकं बल्लाः । युरोपेली लिगय् एसियाया छुं छगू देसं दकलय् अप्वः कासामि म्हितीगु दुसा व जापान हे खः । उकिं नं थौकन्हय् जापानी टिम युरोपया सुं नं टिमसिबें म्हो मजू । थ्व पालय् नं वं ताःहाकःगु हे यात्रा याइ धयागु विश्वास दु । जापानया एफ पुचलय् थुगुसी नेदर ल्यान्ड्स, स्विडेन व ट्युनेसिया दु ।

मोरक्को
कतारय् थ्व टिमं गुकथं म्हितल धकाः ला भचा खँ ल्हाये हे धुन । हाकनं कतार य् थ्व टिमं गुकथं म्हितल, व नं सकसियां खंगु हे खः । अले थ्व छुं छगू संयोग मखुसें टिम स्वयं बांलाना खः धाइपिं यक्व हे दु । थ्व पालय् नं मोर क्कोया टिमपाखें यक्व आसा यायेछिं । थुकिया कार ण छु धाःसा थ्व टिम हे बांलाः । मोर क्कोया गुलि नं कासामित दु, उपिं मध्ये अप्वः धयाथें युरोपया ततःधंगु लिगय् म्हितीपिं खः । उकिं व्यक्तिगत ल्याखं नं मोर क्कोया कासामित बांलाः । अफ्रिकाया टिमं प्रत्येक विश्वकपय् छुं न छुं याइ, थुपिंमध्ये मोर क्को हे दकलय् न्ह्यःने धाःसां जिउ । मोर क्काें थ्व पालय् लिग चर णय् ब्राजिल, हाइटी व स्कटल्यान्डविरुद्ध म्हितीगु जुइ, अले थ्व टिम दुथ्याःगु पुचः खः, सी ।