लाइपजिगयात बराबरीं धक्का

बर्लिन (एजेन्सी) – जर्मन बुंडेसलिगाय् लाइपजिगं बुधवा: बहनि हेर्था बर्लिनानाप २-२ या बराबरी म्हितल । थ्व लिच्व: लिपा लाइपजिग लिग धलखय् निगूगु थासय् वनेत असफल जुल । लाइपजिग निगूगु थासय् च्वंगु बोरुसिया डर्टमुन्डनाप निगू ल्याखं ल्युने लाना स्वंगूगु थासय् दु । डर्टमुन्डयात थ्वयां न्हय: बुकूगु बायर्न म्युनिक न्हापांगु थासय् जु । बुधवा:या मेगु कासाय् साल्के रेलिगेसनया सम्भावनापाखें वना च्वगु फोर्टुना डुसलडोफनाप २-१ पराजित जुल । अथेंतुं होफनहाइमं कोल्नयात ३-१ बुकल । युनियन बर्लिन व माइन्जं १-१ अले पार्डोबोन व आउग्सबर्गं गोलरहित बराबरी म्हितल ।