ने. सं. ११४६ अनलाथ्व पुन्हि -

न्हू बानेश्वरया स्वखाः छेँ सिल

रासस – कालिमाटी ज्यानाच्वंपिं प्रहरीयात कोरोना संक्रमण पुष्टि जुइवं संक्रमित प्रहरीया छेँ दुगु येँ महानगरपालिका-१० न्हू बानेश्वरया स्वखाः छेँ सिल याःगु दु ।

प्रहरीया छेँ न्हू बानेश्वरस्थित भरोसा अस्पताल लिउने दुगु क्षेत्रया स्वखाः छेँ सिल यानाः ट्रेसिङ जुयाच्वंगु जानकारी वडा दुजः नरोज अर्यालं बियादिल ।

ट्रेसिङ याःगु छवाः लिपा जक स्वाब संकलन याइगु जूगु दु । ट्रेसिङ यायेत, स्वाब संकलन यानाः परीक्षणया लिच्वः वयेत हप्ता दिन लगे जुइगुलिं वडावासीतय्सं ताः ई त्रासपूर्ण लकसया सामना यायेमालाच्वंगु वय्कलं धयादिल ।

संक्रमितया सम्पर्कय् वःपिं मनूतय्त म्होति नं न्ह्य्न्हु लिपा जक लक्षण खनीगु जूगुलिं ई मिले यानाः स्वाब संकलन याइगु खँ धाःगु दु ।