महाकवि बुन्हि हनेत मैनमत याः

येँ (नेपालभाषा टाइम्स) – महाकवि सिद्धिदास महाजुया १५१ दँ बुन्हि हनेगु झ्वलय् म्हिगः छगू मैनमत याः पिहां वल । सिद्धिदास स्मृति समाजया ग्वसालय् भोताहितिया सिद्धिदास चोकं सुरु जूगु उगु र्‍याली देय् चाःहिलाः अन हे तुं थ्यंकाः क्वचाःगु खः । उगु इलय् थीथी बाजं नं थाना वःगु खः । थ्वहे झ्वलय् यल महानगरपालिकां सिद्धिदासया नामं यलय् छगू नेवाः ब्वनेकुथि चायेकेगु व वय्कःया अप्रकाशित सफूत पिकायेगु बचं यल मनपाया मेयर चिरिबाबु महर्जनं बियादीगु दु ।