अमेरिकाय् छगू लख सीगु अनुमान

अमेरिकी राष्ट्रपति डोनाल्ड ट्रम्पं कोरोना भाइरस संक्रमणया महामारीका कारणं आइतवा: थ:गु देसय् छगू लख मनू सीगु अनुमान यानादिगु दु । तर वयक:यात छु नं विश्वास दु धा:सा सन् २०२० या अन्त्य तक कोरोना भाइरसविरुद्ध ल्वाइगु खोप नं विकास जुइधुंकूगु जुइ । अमेरिकाय् आ: तक ११ लखसिबें अप्व: कोरोना भाइरसपाखें संक्रमित जुइ धुंकूगु दु:सा ६७ द्वसिबें अप्व:सिया मृत्यु नं जुइ धुंकूगु दु ।

अमेरिकाय् थी थी राज्य कायम जुयाच्वंगु लकडाउनया कारणं अनया अर्थ व्यवस्थाय् नं बांमला लिच्व: लाना च्वंगु दु । नियमित पत्रकार सम्मेलनया झ्वलय् राष्ट्रपति ट्रम्पं धयादिल, ‘छगू लाख मनू कोरोना भाइरस संक्रमणया कारण सीगु जुइ । थ्व तसकं ग्यानापुगु स्थिति ख: ।’

थ्वं न्हय: वयकलं ७० द्वया ज:ख जक मनूत सीगु दाबी याना दिगु ख: । अमेरिकाय् बच्छि राज्यतय्सं लक डाउनया स्थितियात बुलुहुं कम याना यंकेगु याये धुंकूगु दु । अमेरिकाय् कोरोना भाइरसया कारणं सीपिनिगु ल्या: नं कम जुया वना च्वंगु दु ।

(वासिङटन, रोयटर्स)