बलात्कारीतय्गु सहर

हरेक देशय् सहरया थःथःगु हे विशेषता दयाच्वनी । अले थःगु हे छगू अस्तित्व व म्हसीका नं दयाच्वनी । थ्व संसारय् अज्याःगु सहर नं दु, गुगु सहर विशेष यानाः मिसातय् निंतिं तसकं ग्यानापु । अर्थात उगु सहर बलात्कारीतय् सहरया नामं म्हसिउ ।दक्षिण अफ्रिकाया जोहानेसवर्गय् ‘डिपलुस्ट’ नांया छगू सहर दु ।

गुगु सहर मिसातय् निंतिं तसकं ग्यानापु । छाय्कि उगु सहरय् च्वनीपिं स्वब्वय् निब्व मिजं बलात्कारी खः । डिपलुस्ट सहरय् वनीपिं मिसात बलात्कारया शिकार जुइगु घटना तसकं सामान्य खः । आः नकतिनि हे जक उगु सहरया निम्ह ल्याय्म्हतय्सं ‘बीबीसी’यात बिउगु छगू अन्तर्वार्ताय् थःपिंसं आपालं मिसातय्त बलात्कार यायेधुंगु खुलासा याःगु दु ।

इमिसं अन्तर्वार्ता बियाच्वंगु इलय् इमिगु ख्वालय् थःपिंसं अपराध यानाच्वना धइगु भाव तकं खनेमदु । थःपिनिगु नां गोप्य तयेगु शर्तय् अन्तर्वार्ता बिउपिं निम्ह ल्याय्म्हं बलात्कार यायेगु थःपिनिगु कर्म जूगु धाःगु दु । इमिसं धाःगु दु, ‘जब सुं मिसां छेँया लुखा चायेकी, जिपिं छेँ दुहां वनेगु जुइ, मिसात चिल्लाय् दनाः हाली, अले जिमिसं थःके दुगु ल्वाभः क्यनाः इमित सुम्क च्वनेत बाध्य याये ।

अनं लिपा लासाय् यंकाः बलात्कार यायेगु खः ।’निम्ह मध्ये छम्हेसिनं अन हे नापच्वंम्ह पासाया मतिनामियात नं बलात्कार यानागु वया हे पासा न्ह्यःने बयान याःगु दु । छगू अध्ययन कथं डिपलुस्ट सहरया हरेक स्वम्हमध्ये छम्ह मिजंनं म्होतिं नं छम्ह मिसायात बलात्कार याःगु दु ।

कुल जनसंख्याया ३८ प्रतिशत च्वनीगु सहरय् गुलिखे मिजंतय्सं छम्ह हे मिसायात तःक्वः बलात्कार याःगु दु । ब्याहा जुइधुंकूपिं उकिसनं मस्त दुपिं मिसातय्त तकं वया हे भाःत व इमि छेँजःया न्ह्यःने हे बलात्कार यायेगु यानाच्वंगु अध्ययनं क्यंगु दु ।

सम्बन्धित बुखँ

LEAVE YOUR COMMENTS