ओलम्पिकय् कुटनीतिक बहिष्कारया अर्थ मदु – फ्रान्स

चीनय् मेगु दँय् जुइत्यंगु शीतकालिन ओलम्पिक २०२२ यात अमेरिका, बेलायत, अस्टे«लिया व क्यानाडां याःगु कुटनीतिक बहिष्कारया अर्थ मदुगु फ्रान्सया राष्ट्रपति इमानुयल म्याक्रोनं धाःगु दु । बिहिवाः फ्रान्सय् जूगु पत्रकार सम्मेलनय् न्वासें राष्ट्रपति म्याक्रोनं ओलम्पिकय् राजनीतिकरण जुइमजिउगु धाःगु खः ।

‘स्पष्ट धाये, यायेगु खःसा पुर्ण बहिष्कार या, कासामितय्त छ्वयेमते, कि मखुसा अज्याःगु ज्या या गुकिं परिस्थितिइ हिउउपाः हइ’ राष्ट्रपतिं धाःगु दु । राष्ट्रपति म्याक्रोनं अन्तराष्ट्रिय ओलम्पिक कामिटीलिसे कासामिया सुरक्षायात कयाः खँल्हायेगु नं धाःगु दु ।

अमेरिका, बेलायत ,अस्टे«लिया व क्यानाडा चीनं यानाच्वंगु मानव अधिकार हननयात कयाः चीनय् सन् २०२२ जुइगु शीतकालिन ओलम्पिकय् कुटनीतिक बहिष्कार यायेगु धाःगु खः । चीनं अन दुपिं उइगर मुस्मांतय् अधिकार हनन व दमन यानाच्वंगु द्वपं बिसें सरकारी प्रतिनिधि मछ्वयेगु निर्णय याःगु खः । अथे हे चीनया टेनिस कासामि पेङ सुआइ नं चीनया उच्च सरकारी अधिकारीं थःत यौन दुव्र्यवहार याःगु द्वपं बिइधुंकाः सुआइ तनाच्वंगुलिं कासामिया सुरक्षायात कयाः नं थीथी देशं चिन्ता क्यनाच्वंगु खः ।

चीनं कुटनीतिक बहिष्कार याइगु देशं मू पुलेमालिगु ख्याच्वः बिउगु दु । संयुक्त राष्ट्रसंघया महसचिव एन्टोनियो गुटेरेसं धाःसा ब्वति काइगु जूगु दु ।