ने. सं. ११४६ दिल्लागा आमै -

गुणकेरा स्वां संकिपाया विशेष शो

किपू (नेपालभाषा टाइम्स) – नेपालभाषाया संकिपा ‘गुणकेरा स्वां’ या विशेष शो क्यनेज्या जूगु दु । वंगु शनिवाः हलिं नेवाः गुथि रविभवन कचा ग्वसाः व हलिं नेवाः गुथि, मय्जु कवःया लिउ ग्वसालय् किपुलिइ च्वंगु कीर्तिपुर सिनेम्याक्सय् उगु संकिपाया विशेष शो क्यनेज्या जूगु खः ।
झीगु समाजय् खने दुगु तःमि व चीमिया विभेद, थःगु हे छेँ व समाज दुनेया अन्धविश्वास, कुसंस्कार, कुसंस्कृति, वैचारिक विचलन लिसें थीथी सामाजिक विषय कःघानाः उगु संकिपा निर्माण यानातःगु खः । लोभलालच, अन्धविश्वास, कुसंस्कारयात गुकथं न्हंकेगु धइगु कुतः संकिपाय् क्यनातःगु दु ।