WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SELECT t.*, tt.*, tr.object_id FROM wp_terms AS t INNER JOIN wp_term_taxonomy AS tt ON t.term_id = tt.term_id INNER JOIN wp_term_relationships AS tr ON tr.term_taxonomy_id = tt.term_taxonomy_id WHERE tt.taxonomy IN ('category', 'post_tag', 'post_format') AND tr.object_id IN (27468) ORDER BY t.name ASC

राजनीतिया शिकार कासाख्यः – नेपालभाषा टाइम्स

राजनीतिया शिकार कासाख्यः

नेपाःया ग्वसालय् जुयाच्वंगु झिंस्वक्वःगु दक्षिण एशियाली कासा (साग) सफलतापूर्वक न्ह्यानाच्वंगु दु । रंगशाला थेंज्याःगु अतिआवश्यक भौतिक पूर्वाधार तकं इलय् तयार जुइमफुगुलिं थ्वपालय् नं नेपालय् साग जुइ कि मजुइ धयागु अन्यौलता व चिउताःया दथुइ न्ह्याःगु थ्व कासा महोत्सव आः धाःसा बांलाक हे न्ह्यानाच्वंगु दु ।

थ्व नेपाःया निंतिं सुखद् पक्ष खः । उकिसनं नेपाःया कासामितय्सं पदक त्याकेगुलिइ कीर्तिमान तयेधुंकूगु दु । थ्व कासाह्यःमितय् निंतिं जक
मखु सकल नेपाःमिया निंतिं हे लसताया खँ खः । कासामितय् मेहनत, परिश्रमं वःगु पदकं सकल नेपाःमितय् छ्यं धस्वाका बिउगु दु ।

नेपाली कासामितय्गु प्रदर्शनं सकल नेपाःमितय् छ्यं धस्वाका बिउगु खँ ल्हायेबलय् साग ग्वसाः खलःया पदाधिकारी, राष्ट्रिय खेलकूद परिषद्या पदाधिकारी व कर्मचारीतय् व्यवहार व पहलं धाःसा नेपाःमितय् छ्यं क्वछुका बिउगु नं दु । थुकिया दकलय् तःधंगु दसु सुटिंग धेंधेंबल्लाखय् खनेदत ।

सुटिंगया १० मिटर एयर पेस्तोलया प्रतिस्पर्धा जुयाच्वंगु, प्रतिस्पर्धाय् ब्वति कयाच्वंम्ह श्रेया केसी कासाया दथुइ हे त्वाल्ल दना च्वनेमाल । व त्वाल्ल च्वनेमाःगु अथें धाःसा मखु, कासाया दथुइ हे वं ज्वनाच्वंगु पेस्तोल हे चले मजुल । व पेस्तोल चले मजूगुया दोष श्रेयाया ला ख हे
मखु । अथे खःसा थुकिया दोष सुयागु ले ? थुकिया दोष पूवंक कासा पदाधिकारीतय्गु खः ।

धेंधेंबल्लाखय् श्रेयां छ्यलाच्वंगु १० मिटरय् छ्यलीगु पेस्तोल तसकं पुलांगु, व नं छपु जक दुगु । कासा पदाधिकारीतय्सं न्हूगु पेस्तोल हयाबी धाधां कासा सुरु जुइधुंकाः तकं हयामबिल, अले व हे पुलांगु पेस्ताल ज्वनाः श्रेया प्रतिस्पर्धाय् कुहां वन । खतं नःगु पेस्तोलं गुलि साथ बी, कासा दथुइ हे धोखा बियाबिल, श्रेया दथुइ हे मिखाय् जायेक ख्वबि तयाः, ख्वाः ह्याउँका वाल्ल जुयाः च्वनेमाल ।

कासा दथुइ ख्वबि हायेका च्वंम्ह श्रेयायात मेपिं वयाः मेगु देय्या न्ह्यःने बेइज्जत जुइ, बरु कासा हे त्वःता बिउ धाःवनेमाल । छपु पेस्तोलया कारणं श्रेयां जक ख्वाः ह्याउँके माःगु मखु, थ्व घटनां सारा नेपाःमिया छ्यं नं क्वछुका बिउगु दु ।

खतं नःगु पेस्तोलं गुलि साथ बी, कासा दथुइ हे धोखा बियाबिल, श्रेया दथुइ हे मिखाय् ख्वबि जायेकाः, ख्वाः ह्याउँका वाल्ल जुयाः च्वनेमाल । कासा दथुइ ख्वबि हायेका च्वंम्ह श्रेयायात मेपिं वयाः मेगु देय्या न्ह्यःने बेइज्जत जुइ, बरु कासा हे त्वःता बिउ धाःवयेमाल ।

हाकनं छक्वः न्ह्यसः वइ, धाथें थुकिया दोष सुयागु ले ? थुकिया दोष अज्याःपिंं पदाधिकारीतय्गु खः, गुमिगु खतं नःगु न्ह्यपुं कासाय् प्रतिस्पर्धा यायेत कासामि जक दयां मगाः कासायात माःगु, ल्वःगु ज्वलं नं माः धयागु तकं मसिउ । थ्व ला न्ह्यःने खनेदुगु दसु जक खः । थ्व हे धेंधेंबल्लाखय् नेपाःया मेपिं कासामितय्सं नं भारतया कासामिं ‘एक्स्ट्रा’ ज्वनावःगु पेस्तोल व श्रीलंकाया कासामियाके गोली न्यये कयाः तकं प्रतिस्पर्धा यायेमाल ।

मेखे भारोत्तोलनया कीर्तिमान कासामि कमल अधिकारीं लाकां चुलूगु कारणं थःम्हं आशा यानातःगु पदक त्वःफिके माल । प्रशिक्षणया इलय् लाकां चुलुयाच्वंगुलिं अधिकारीं न्ह्यव हे कासा पदाधिकारीतय्त न्हूगु लाकां हयाबीत धाःगु खः, तर वयात नं प्रतिस्पर्धाय् कुहां वनेत्ययेकाः तकं लाकां छजु तकं हयामबिल ।

अले वं गथे बिचाः याःगु खः अथेहे जुल । अन्तिम प्रतिस्पर्धाया इलय् लाकां चुलुया बीवं व थःम्हं आशा यानातःकथं तौल ल्ह्वने मफुत । अथे जूबलय् रजत पदक त्याकेगु ताः तयातःम्ह कमलं कास्यय् चित्त बुझे यायेमाल । थज्याःगु समस्या यक्व हे नेपाली कासामितय्सं फयेमाल । ट्रायथोलनय् स्वर्ण त्याकूम्ह सोनी गुरुंगं भ्वाथःगु साइकल ज्वनाः प्रतिस्पर्धा यायेमाल ।

अथेहे भारोत्तोलनय् स्वर्ण त्याकूम्ह सञ्जु चौधरीं ट्य्राकसुट छजु तकं दाजुं न्यानाबिउगु फिइ माल । थुकीया धाथेंया कारण छु खः ले, थुखेपाखे आः दुवालाः बिचाः यायेमाःगु दु । थुकिया खनेदयेक कारण ला कासा पदाधिकारीत खनेदु । तर थुकी दुसुलाच्वंगु मू कारण कासाख्यलय् जुयाच्वनीगु राजनीति हे खः ।

नेपाःया कासाख्यः राजनीति यायेगु मैदान जुयाच्वंगुलिं खः । नेपाःया हरेक ख्यः थ्व हे राजनीतिं यानाः भज्यंक स्यना वनाच्वंगु दु । अथेहे कासाख्यःयात नं थ्व हे राजनीतिं सुलुप्यां हि त्वने थें त्वनाच्वंगु दु । नेपाःया मुक्कं कासाख्यःयात स्वइगु दकलय् तःधंगु संस्था राष्ट्रिय खेलकूद परिषद् (राखेप)य् पदाधिकारी नियुक्तिया निंतिं न्ह्याबलें राजनीति जुयाच्वनी ।

राखेप जक मखु मेमेगु विषयगत संघय् नं थथे हे राजनीति जुयाच्वनी । तेक्वान्डो धा वा खोखो हे धा, न्ह्यागु संघय् पदाधिकारी राजनीतिक नियुक्ती जुयाच्वन । कासा गय् यानाः म्हिती धयागु तकं मसिउपिं थज्याःपिं पदाधिकारीतय्सं कासाया मर्म गनं थुइ । उमिगु निंतिं ला थज्याःगु संघ थःगु व्यक्तित्व दयेकेगु व राजनीति यायेगु थाय् जक जुयाच्वनी ।

कासाया हे मथूपिं पदाधिकारीतय् मार कासामितय्त, प्रशिक्षकतय्त लानाच्वनी । थुकीया दुर्दशा उबलय् खनेदइ, गुबलय् छुं तःधंगु धेंधेंबल्लाः जुइ । आः जुयाच्वंगु सागय् नं थज्याःपिं हे पदाधिकारीतय् मार कासामितय्सं फयेमालाच्वंगु खः । थज्याःपिं हे पदाधिकारीतय् कारणं थुगुसी साग हे जुइ ला मजुइ ला धयागु अन्यौल तकं खनेदुगु खः ।

सागय् जुइगु तःगू कासा म्हितेकीगु दशरथ रंगशालाया पुनर्निर्माण हे सिमधइगु खनेदयाः साग हे मजुइ ला धयागु थें अन्यौल जुइधुंकूगु खः ।
कासाया मर्म थुइकेगु ला छु, कासाया नियम, कासायात आवश्यक ज्वलं छु छु खः, थ्व गुबलय् थ्यंकेमाः धयागु तकं मसिउपिं पदाधिकारीतय् दथुइ च्वनाः नं थुगुसी नेपाःया कासामितय्सं उच्च प्रदर्शन याःगु दु ।

धेंधेंबल्लाखय् ब्वति कायेत साइकल छगू तकं न्हूगु हया मबिउगुलिं पुलांगु हे साइकल ब्वाकाः स्वर्ण त्याकूम्ह सोनी गुरुंग जुइमाः वा ट्राय्क सुट छजु नं मेपिंसं बिउगु पुनेमाःम्ह सञ्जु चौधरी हे छाय् मजुइमाः, सकलें कासामितय्सं नेपाःया निंतिं थःम्हं फक्व प्रदर्शन याःगु दु, अले यानाच्वंगु दु । तःधंगु परिश्रम व मेहनतं ऐतिहासिक रुपं स्वर्ण त्याकाः नेपाःया न्हाय् तःगु दु । थज्याःगु सकल कासामिपिंत धाःसा सलाम याये हे माः ।

सम्बन्धित बुखँ

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SELECT t.*, tt.*, tr.object_id FROM wp_terms AS t INNER JOIN wp_term_taxonomy AS tt ON t.term_id = tt.term_id INNER JOIN wp_term_relationships AS tr ON tr.term_taxonomy_id = tt.term_taxonomy_id WHERE tt.taxonomy IN ('category', 'post_tag', 'post_format') AND tr.object_id IN (9897, 11550, 15463, 20868, 26148, 26581) ORDER BY t.name ASC

LEAVE YOUR COMMENTS