अष्ट्रेलियापाखें श्रीलंकाया लज्जास्पद हार

अष्ट्रेलियां श्रीलंकायात टि–ट्वान्टी श्रृंखलाया न्हापांगु कासाय् १३४ रनया तःधंगु अन्तरं बुकूगु दु । अष्ट्रेलियां टि–ट्वान्टी कासाय् थुलिमछि रनया अन्तरं बुकूगु थ्व हे न्हापांखुसी खः ।श्रीलंकायात लज्जास्पदरुपं पराजित यायेगु झ्वलय् २३४ रन विशाल लक्ष्य बिउगु खः । गुकी श्रीलंकां २० ओभरय् ९ विकेटया क्षतिइ मुक्कं ९९ रन जक दयेकेफुगु खः ।

श्रीलंकाया निंतिं दसुना सनकां १७, ओषदा फर्नान्डों १३, कुशल परेरां १६ व दनुष्का गुणतिलकं ११, कप्तान लसिथा मलिङ्गां १३ रन जक दयेकलसा मेपिंसं निगू अंकया रन तकं दयेकेमफुगु खः । अष्टे«लियाया थ्व कीर्तिमानी विजयया निंतिं बलरतय्सं मू भूमिका म्हितूगु खः । स्पीनर एडम जम्पां ४ ओभरय् १४ रन जक खर्च यानाः स्वंगू विकेट काःगु खःसा तीव्रगतिया बलर मिचेल स्टार्क व प्यान्ट कमिन्सं निगू निगू विकेट काःगु खः ।

थ्वयां न्ह्यव ब्याटिङ्ग याःगु अस्टे«लियां डेविड वार्नरया शतकय् २० ओभरय् मुक्कं २ विकेटया क्षतिं २३३ रन दयेकूगु खः । म्हिगः हे ३३ दँ बुन्हि न्यायेकूम्ह वार्नरं अविजित १०० रन दयेकूगु खःसा कप्तान आरोन फिन्चं ६४ व ग्लेन म्याक्सवेलं ६२ रन दयेकूगु खः ।