बार्सिलोनाया त्याकेत मेसीया योगदान

म्याड्रिड (एजेन्सी) – लियोनल मेसीं छगू गोलयासें व मेगु निगू गोलय् ‘एसिस्ट’ यायेवं बार्सिलोनां स्पेनी ला लिगाय् शनिवा: रियल मार्कोकायात ४-० बुकल । कोरोना भाइरस संक्रमणया महामारीया कारण दिनाच्वगु लिग हाकनं न्हयायेवं बार्सिलोनाया थ्व न्हापांगु जित ख: । बार्सिलोनाया नितिं मेसीनापं आरटुरो भिडाल, मार्टिन ब्रेथवेट व जोर्डि अल्बां छगू छगू गोल यात । मेसीया धा:सा थ्व सिजनया व्यक्तिगत २५ औं गोल ख: । शनिवा:या मेगु कासाय् इस्पनयोलं एलाभेसयात २–०, भिल्ला रियलं सेल्टा भिगोयात १-० व रियल भालाडोलिडं लेगानेसयात २-१ बुकल ।