शरीफ पार्टी प्रमुख जुइत नं अयोग्य

पाकिस्तानया सर्वोच्च अदालतं अनया पुलांम्ह प्रधानमन्त्री नवाज शरीफया पार्टीया प्रमुख जुइत तकं अयोग्य ठहर यानाबिउग दु । थगुने भ्रष्टाचारया द्वपं लायेवं अदालतं शरीफयात प्रधानमन्त्री पद त्वःतेत आदेश बिउगु खः । तर शरीफं धाःसा थःत लानाच्वंगु द्वपंयात अस्वीकार याना वयाच्वंगु दु ।
अदालतं थ्वयां न्ह्यः पद त्वःतेमाःगुलिं हे पार्टीया नेतृत्व यायेत अयोग यानाबिउगु धासें थ्व निर्णय न्यंकूगु खः । थुकिया लिसें शरीफं पार्टी प्रमुख जुयाः माथिल्लो सदनया चुनावया निंतिं मनोनित याःपिं उम्मेदवार व उमिसं याःगु निर्णय नं अमान्य घोषित याःगु दु । प्रधानन्यायाधीश शकिब निसरया इजलासं पिएमएल–एन पार्टीया अध्यक्षपाखें नवाज सरिफयात चिइकेत निर्वाचन आयोगयात निर्देशन बिउगु खः ।