न्यासःम्ह प्रहरीं प्रधान सम्पादक ज्वन

एजेन्सी- प्रजातन्त्रया निंतिं ज्या यानाच्वंगु पत्रिका एप्पल डेलीया प्रधान सम्पादकलिसें प्यम्हेसित हङकङ प्रहरीं ज्वंगु दु । बिहिवाः सुथय् थ्यंमथ्यं न्यासःम्ह प्रहरीं एप्पल डेलीया ज्याकुथिइ छापामारे याःगु खः । हङकङ प्रहरीं सुथसिया ७ ताः इलय् एप्पल डेलीया ज्याकुथिइ दुहां वंगु खः । प्रहरीं ज्याकुथिया दुहां वयेगु व पिहां वनेगु दक्व लँ बन्द यानाः उमित ज्वंगु खः । एप्पल डेलीं फेसबुक पेजं प्रहरीं छापामारे याःगु प्रत्यक्ष प्रसारण याःगु खः ।

प्रहरीं एप्पल डेलीया प्रधान सम्पादक रायन ल, मातृ संस्थाया सिइओ किम हुङग, डिजिटलया सिइओ चोव तात कुएन, प्रकाशक चान पुइ व निर्देशक ची वाइयात ज्वंगु खः । प्रहरी उमिगु छेँय् नं छापामारे याःगु खः । एप्पल डेलीया थुवाः जिमी लाइयात प्रहरीं न्हापा हे थीथी मुद्दाय् ज्वने धुंकल ।

राष्ट्रिय सुरक्षा कानून हाचां गाःगु द्वपं बियाः प्रहरीं अमित ज्वंगु खः । एप्पल डेली चीनया आलोचना यानावयाच्वंगु पत्रिका खः ।

सम्बन्धित बुखँ

LEAVE YOUR COMMENTS