ने. सं. ११४६ बछलाथ्व चौथी - बुंगद्यः सालिगु

प्रितम स्वंगूगु थासय्

भारतया लोकंह्वाःगु रियालिटी शो सारेगमप लिटल च्याम्पय् स्वंगूगु थासय् लाःम्ह नेपाःया मचा प्रीतम आचार्य सोमवाः नेपाः लिहां वःगु दु । झापाया काँकडभिट्टाय् वयात थःथिति, पासापिं व संगीतप्रेमीपिंसं स्वांमाः क्वखायेका लसकुस याःगु खः ।

आइतवाः जूगु फाइनल चरणय् नेपाःया हे मेम्ह मचा आयुष केसी लिसें प्रितमं प्रतिस्पर्धा याःगु खः । खुम्ह मस्त दथुइ जूगु प्रतिस्पर्धाय् सुगान्धा न्हाप लाःगु खः । प्रितमयात बलिउडया लोकंह्वाःम्ह कलाकार माधुरी दीक्षितं गुगुं इलय् नापं ज्या यायेगु खँ धाःगु खँ प्रितमं कंगु दु ।