कुन्दनप्रसादया ‘उगुं थुगुं’ पिदन
येँ (नेपालभाषा टाइम्स) – नेपाल भाषाया च्वमि कुन्दनप्रसाद श्रेष्ठया च्वखँ मुना सफू ‘उगुं थगुं’ वंगु आइतवाः छगू ज्याझ्वःया दथुइ पितब्वज्या जुल ।
नेपालभाषा परिषद्या ग्वसालय् जूगु ज्याझ्वय् मूपाहां नेपालभाषा एकेदेमिया चान्सलर मल्ल के. सुन्दर, नेपाल प्रज्ञा प्रतिष्ठानया प्राज्ञ प्रतिसरा साय्मि, पूर्व प्राज्ञ लक्ष्मी माली, च्वमि योगेन्द्रमान श्रेष्ठ, परिषद्या दांभरिं मंगला कारंजित, सन्ध्या टाइम्स पिथना प्रा.लि.या नायःलिसें वरिष्ठ निबन्धकार रमेशकाजी स्थापित व च्वमि श्रेष्ठं मंकाःकथं सपूmया पितब्वज्या यानादीगु खः ।
ज्याझ्वलय् नवासें मूपाहां मल्लं नेपालभाषा साहित्यिक इतिहासया प्राचीनकालय् च्वखँ तसकं च्वन्ह्याःगु विधा खःसां थौंकन्हय् समालोचना, प्याखं, नाटकया विधा म्हो जुइवं च्वखँ नं लिकुना वनाच्वंगु धासें थ्व ख्यः हाकनं चकना वनीगु विश्वास प्वंकादिल ।
वरिष्ठ निबन्धकार स्थापितं सफूयात दुवालादिसें सफुतिइ दुथ्यानाच्वंगु झिपुमध्ये प्यगू च्वखँ जूगु व खुपू आध्यात्मिक विषय जूगु खँ कनादिल ।
परिषद्या दांभरिं कारंजितया सभापतित्वय् जूगु ज्याझ्वलय् कवि श्रीराम श्रेष्ठं लसकुस यानादीगु खःसा प्राज्ञ साय्मि, पुलांम्ह प्राज्ञ माली, इतिहासविद् च्वमि श्रेष्ठं सफूया थीथी पक्षयात कयाः कुलादीगु खः ।
LEAVE YOUR COMMENTS