ने. सं. ११४६ दिल्लाथ्व तृतीया -

मास्टर्नीया म्ये प्रतिबन्ध तयेत माग

येँ (नेपालभाषा टाइम्स) – नेपाल शिक्षक महासंघं ‘मास्टर्नी’ संकिपाया प्रवद्र्धनात्मक म्ये प्रतिबन्ध तयेत माग याःगु दु । महासंघं म्हिगः छगू विज्ञप्ति जारी यासें म्ये प्रति गम्भीर ध्यानाकर्षण जूगु खँ धाःगु दु । उगु म्यें शिक्षक व शिक्षण पेशाया गरिमाय् प्रहार याःगु धासें विज्ञप्तिइ धयातःगु दु, ‘मिसा शिक्षक प्रति लक्षित अमर्यादित शब्द व भाव संयोजन यानातःगु अज्याःगु म्यें शिक्षक व शिक्षण पेशाया गरिमाय् प्रहार याःगु दु । उगु म्ये तुरुन्त बन्द यायेत व संकिपाय् मछ्यलेत जिमिसं सम्बन्धित फुक पक्षयात इनाप यानाच्वना ।’ उगु म्ये मदिकल धाःसा उकिं ब्वलनीगु परिस्थितिया जिम्मेवारी संकिपा निर्माता व कलाकार जुइगु ख्याच्वः नं महासंघं बिउगु दु ।