नखःया इलय् नं विकास निर्माणया निरीक्षण

किपू (नेपालभाषा टाइम्स) – किपू नगरपालिकाया प्रमुख रमेश महर्जनं मोहनि नखःया इलय् नं किपुलिइ जुयाच्वंगु पूर्वाधार विकास निर्माणया ज्यायात कयाः निरीक्षण यानादीगु दु। नगरप प्रमुख महर्जनं नगर दुने न्ह्यानाच्वंगु थीथी योजनाया स्थलगत रुपं हे निरीक्षण यानादीगु खः ।

थ्व झ्वलय् नगर प्रमुख महर्जनं त्यालँय् जुयाच्वंगु लँ ढलान यायेगु ज्याया स्थलगत निरीक्षण यानादीगु खः । नेपाःमिया तःजिगु नखः मोहनिया इलय्व ये वने यायेत समस्या जुइकथं लँय् तयातःगु निर्माण सामग्री फक्व याकनं चिइकेकथं निर्माण योजना सिधयेकेत सरोकारवालातय्त निर्देशन नं बियादीगु खः ।

ग्राभेल यानातःगु सतक व सतकया सिथय् थाय् थासय् तयातःगु निर्माण सामग्री चिइकाः मेथाय् तयेगु पलेसा निर्माणया ज्या हे याकनं सिधेकेत वय्कलं निरीक्षणया यलय् निर्देशन बियादीगु खः ।