थौं ख्वना बन्द

येँ (नेपालभाषा टाइम्स) – ख्वनाया खुदोलय् वा पिउपिं स्थानीय जनतायात प्रहरी दमन याःगु विरोधय् थौं ख्वना बन्द घोषणा याःगु दु। प्रहरी प्रशासनं म्वायेक म्वायेकं शान्तिपूर्ण रुपं वा पीगु ज्या यानाच्वंपिं स्थानीय जनतायात दमन याःगु धासें बन्दया घोषणा याःगु खः । स्थानीय जनतां वंगु शनिवाःथःपिनिगु जग्गा सरकारं फास्ट ट्य्राक दयेकेगु धकाः जबरजस्ती कब्जा काःगु धासें कब्जाय् कयातःगु खुदोलया जग्गाय् वा पीगु ज्या याःगु खः । उबलय् प्रहरी लाठी चार्ज, टियर ग्यास कयेकाः वाः पीवःपिंत व वाः पिउपिंत समर्थन यायेत वयाच्वंगु सर्वसाधारणयात दमन याःगु खः । प्रहरी दमनया झ्वलय् छम्ह मचा सहित न्याम्ह प्रर्दशनकारी घाःपाः जूगु खः ।