जर्मनी व सर्बिया बराबर

जर्मनी व सर्बिया दथुइ जूगु मैत्रीपूर्ण कासा बराबरी क्वचाःगु दु । जर्मनीया घरेलु मैदानय् जूगु कासाय् जर्मनी व सर्बिया छगू छगू गोलया बराबरी म्हितूगु खः । न्हापांगु हाफय् गोल यानाः सर्बियां अग्रता काःगु खःसा जर्मनीं लिपांगु हाफय् बराबरी गोल याःगु खः । कासाया १२ औं मिनेटय् लुका जोविकया गोलं सर्वियां अग्रता काःगु खः ।

जर्मनी निगूगु हाफया ६९ औं मिनेटय् लियोन गोरट्ज्काया गोल बराबरी यात । कासाय् जर्मनीं सर्वियायात दबाबय् तःगु खःसां सर्बिया गोलरक्षक मार्को डिमट्रोभिकं उत्कृष्ट प्रर्दशन यायेवं मेगु गोल धाःसा याये मफुत । कासाया इन्जुरी ईया ९३ औं मिनेटय् सर्बियाया पाभकोभं लिरोयन सानेयात फल तयेवं ह्याउँ कार्ड नःगु खः ।

जर्मन प्रशिक्षक जोकिम लों कासा लिपा सानेयात बांमलाक फल याःसां चोट धाःसा मलाःगु खँ धाःगु दु । प्रशिक्षक aलोया कथं अज्याःगु फलय् क्वँय् त्वःधुलेफुगु खः, तर भाग्यं छु मजू धाःगु दु । जर्मनीं आइतवाः नेदरल्याण्ड लिसे युरोकप २०२० या छनोट कासा म्हिती । अथेहे सर्बियां सोमवाः र्पोचुगल लिसे म्हिती ।

सम्बन्धित बुखँ

LEAVE YOUR COMMENTS