मेसीया ५० औं ह्याट्रिक

स्पेनिस ला लिगा अन्र्तगत जूगु कासाय्् कप्तान लियोन मेसीया ह्याट्रिकं बार्सिलोनां सेभिल्लायात बुकूगु दुु । शीर्ष थासय् लानाच्वंगु बार्सां सेभिल्लायात ४–२ गोलं बूकुगु खः । बार्सिलोनाया निंतिं मेसीं स्वंगू गोल याःगु खःसा छगू गोल लुइस स्वारेजं याःगु खः । मेसीं याःगु थ्व ह्याट्रिक वयागु करियरया ५० औं ह्याट्रिक खः ।

अथेहे बार्सिलोनाया निंतिं मेसीं याःगु गोल ल्याः ५८५ थ्यंगु दु । सेभिल्लाया निंतिं नाभास व मेर्काडों छगू छगू गोल याःगु खः।सेभिल्लाया मैदानय् जूगु कासाय् २२ औं मिनेटय् नाभासं गोल यानाः बार्सिलोना विरुद्ध अग्रता काःगु खः तर थ्वयां प्यंगू मिनेट लिपा हे मेसीं गोल यानाः कासा बराबरीइ हयाबिल । न्हापांगु हाफया ४२औं मिनेटय् हाकनं मेर्काडाें गोल यानाः सेभिल्लायात अग्रता बिल ।

निगूगु हाफय् बार्सिलोनां स्वंगू गोल यात । कासाया ६७ आंै मिनेटय् मेसीं हाकनं बराबरीया गोल यात । ८५ औं मिनेटय् ह्याट्रिक यात । थप
छगू गोल लुइस स्वारेजं इन्जूरी ईया स्वंगूगु मिनेटय् याःगु खः । शीर्ष थासय् लानाच्वंगु बार्सिलोनाया ५७ अंक थ्यंगु दु । लिगया निगूगु थासय् एथ्लेटिको म्याड्रिड व स्वंगूगु थासय् रियल म्याड्रिड दु ।