निगू कोरिया स्वायेत भव्य समारोह

दक्षिण कोरिया व उत्तर कोरियाया सीमा लागाय् आधुनिक रेलमार्ग व सडक स्वायेगु ज्या न्ह्याकेत बुधवाः छगू तःजिगु समारोह जूगु दु । थ्व समारोह दक्षिण कोरियाया सीमा शहर केइसोङ्गय् लाःगु पानमुन स्टेशनं सु रु जूगु खः । समारोहय् दक्षिण व उत्तर कोरियाया सछि सछिम्ह मनूत सहभागि जूगु खँ दक्षिण कोरियाली एकीकरण मन्त्रालयं धाःगु दु ।

वंगु सेप्टेम्बरय् दक्षिण कोरियाया राष्ट्रपति मुन जाए इन व उत्तर कोरियाली नेता किम जोङ्ग उ न दथुइ प्योङ्गयाङ्गय् जूगु शिखर वार्ताय् जूगु सम्झौता कथं थ्व ज्याझ्वः न्ह्याःगु खः । उगु वार्ताय् थ्व दँया अन्त्य तकया दुने कोरियाली प्रायःद्वीपया सीमा क्षेत्रय् रेलमार्ग व सडक मार्ग दयेकेगु सम्झौता जूगु खः ।

थ्व समारोहय् दक्षिण कोरियाया भूमिसुधार मन्त्री, आधारभूत संरचना मन्त्री किम ह्युन मि, यातायात मन्त्री किम युन ह्योक व उत्तर कोरियाया उप रेलवे मन्त्री सहभागि जूगु खः । उत्तर कोरियापाखें शान्ति व पुनःएकीकरण जन्मभूमि कमिटीया अध्यक्ष रि सन ग्वोन व मेपिं प्यम्ह उच्चअधिकारीं ब्वति काःगु खः ।

सम्बन्धित बुखँ

LEAVE YOUR COMMENTS