एमाले-नेकपा औपचारिक सहकार्य प्रक्रिया न्ह्यात

येँ (नेपालभाषा टाइम्स) – नेपाली कम्युनिष्ट पार्टी (नेकपा) या संयोजक पुष्पकमल दाहालं नेकपा एमाले लिसे सहकार्य यायेगु प्रक्रिया औपचारिक रुपं न्ह्याःगु खँ धयादीगु दु । म्हिगः जनकपुरधाम विमानस्थलय् सञ्चारकर्मीत लिसे खँ ल्हायेगु झ्वलय् वय्कलं उगु खँ धयादीगु खः । दाहालं लिपांगु राजनीतिक घटनाक्रमं वाम शक्ति दथुइ सहकार्यया वातावरण बने जूगु व एमाले लिसे सहकार्य न्ह्यायेधुंकूगु खँ धयादीगु खः । सञ्चारकर्मीतय्सं स्वंगू दल दथुइ समझदारी क्वचाःगु खः ला ? धकाः न्यंगु न्ह्यसःया लिसः बीगु झ्वलय् उकियात कयाः नं सहलह जुयाच्वंगु धासें धयादिल, ‘कांग्रेस लिसे नं संवाद जुयाच्वंगु दु । छुं न्हिं दुने क्वःजी ।’ संयोजक दाहालं प्रदेशस्तरय् नं न्हूगु राजनीतिक समीकरण जुइफइगु संकेत नं बियादीगु दु ।