संसदपाखें जो बाइडेन विजय जूगु प्रमाणित, ट्रम्प सत्ता हस्तान्तरण यायेत तयार

एजेन्सी – अमेरिकी संसदया मंकाः बैठकं जो बाइडन व कमला ह्यारिसं वंगु नोवेम्भरय् जूगु राष्ट्रपति व उपराष्ट्रपतिया निर्वाचनय् त्याकूगु प्रमाणित याःगु दु । संसदं प्रमाणित यायेवं आः बाइडनयात जनवरी २० तारिखय् राष्ट्रपति पदया शपथ ग्रहण यायेगु लँ चाःगु दु ।

संसदय् एरिजोना व पेन्सिल्भेनियाया इलेक्ट्रोल मतयात कयाः रिपब्लिकनतय्सं चुनौति बिउगु खःसां उमिगु मत दुई तिहाइ बहुमत पारित जुइमफुत । इलेक्ट्रोरल मतगणना लिपा उपराष्ट्रपति माइक पेन्सं बाइडनं ३०६ मत व ट्रम्पं २३२ इले क्ट्रोरल मत काःगु घोषणा याःगु खः । तःधंगु हुलदंगा लिपा बाइडे न विजय जूगु संसदं प्रमाणित याये धुंकाः राष्ट्रपति डोनाल्ड ट्रम्पं छगू वक्तव्य पिथसें व्यवस्थित रुपं सत्ता हस्तान्तरण जुइगु खँ धाःगु दु । तर ट्रम्पं अझ नं चुनावय् धाँधली जूगु धकाः हे धाःगु दु ।

वक्तव्यय् ट्रम्पं धयातःगु दु, ‘चुनावी लिच्वःयात कयाः जि पूवंक असहमत दु, थुकिया प्रमाण नं दु, अथेखःसां २० जनवरीइ व्यवस्थित रुपं सत्ता हस्तान्तरण जुइ ।’

थ्व वक्तव्य ट्रम्पया प्रवक्ताया ट्विटर ह्याण्डिल पाखें सार्वजनिक याःगु खः । ट्रम्पया ट्विटरलिसें फेसबुक फुक्कं ब्लक यानातःगुलिं प्रवक्ताया ट्विट पाखें वक्तव्य सार्वजनिक याये माःगु खः ।

सम्बन्धित बुखँ

LEAVE YOUR COMMENTS