न्यूक्यासलया झ्वःलाक स्वंगूगु विजय

इंग्लिस प्रिमियर लिगय् न्युक्यासल युनाइटेडं झ्वःलाक स्वंगूगु कासा त्याकूगु दु । स्वंगूगु कासा त्याकेगु झ्वलय् न्युक्यासल बर्नलीयात बुकूगु खः । बर्नलीया मैदानय् जूगु कासाय् न्युक्यासल छगूया विरुद्घ निगू गोलं त्याःगु खः ।न्युक्यासलं कासाया प्यंगूगु मिनेटय् हे बर्नलीया बेन मीं याःगु आत्माघाती गोलं अग्रता काःगु खः ।

सियरान क्लार्कं २३ औ मिनेटय् गोल यानाः न्युक्यासल युनाइटेडयात निगू गोलया अग्रता बिउगु खः । न्हापागु हाफय् बर्नली छगू गोल यात । कासाया ४० औं मिनेटय् बर्नलीया साम बोक्सं गोल याःगु खः । सन् १९७५ लिपा न्हापांखुसी शीर्ष लिगय् बर्नलीयात बुकाः न्युक्यासल लिगया १३ औं थासय् थहांवःगु खः ।