रसियाली टिम राष्ट्रनायक

बिबिसी- छगू भावनात्मक क्वार्टर फाइनल कासाय् परजित जुयाः ग्वसाः दे य् रुसया विश्वकप यात्रा क्वचाल । क्वार्टर फाइनलय् परजित जूसां विश्वकप फुटबलय् उत्कृष्ट कासा म्हितूगुलं धाःसा रसियाया कासामितय् प्रशंसा जुयाच्वंगु दु । राष्ट्रपति भ्लादिमिर पुटिनं उमित राष्ट्रनायक धाःगु दु ।

विश्वकप सुरु जूगु इलय् रुस सहभागी टो ली मध्ये फुटबल वरियताय् दकलय् लिउने लाःगु टिम खः । उमिपाखे खास हे तःधंगु आशा यानाच्वंगु मदुगु खः । तर फुटबलया महाशक्ति देय्त जर्मनी, ब्राजिल व स्पेन स्वयां रुस ताःई थुगु विश्वकपय् टिके जुयाः म्हितल ।
शनिवाः जूगु अन्तिम १६ या कासाय् पेनाल्टि शुटआउटय् क्रोसियाया इभान राकिटिकीं अन्तिम पेनाल्टिइ गोल यायेवं रसिया पराजित जूसां घरलु समर्थकतय्सं लापा थानाः कासामितय्त सम्मान प्वंकूगु खः ।

अन्तिम सिटी पुइवं उमिसं झन तःतःसलं हालाः टोलीयात सान्त्वना बिउगु खः । सन् १९७० या सोभियतकालीन ई लिपा न्हापांखुसी
विश्वकपया क्वार्टर फाइनलय् थ्यंगु रुसं डे निस चेरिसेभया थ्व विश्वकपया हे उत्कृष्ट गोल मध्ये छगू गोलया ग्वाहालिं क्रोसिया विरुद्ध अग्रता काःगु खः । तर थ्वयां च्यागू मिनेट लिपा हे क्रोसियां कासा बराबरइ हल ।

९० मिने टया थप इलय् क्रो सियां अग्रता काःगु खः, तर फर्नान्डेसं अन्तिम इलय् गोल यानाः कासा बराबरइ हयेवं पेनाल्टि सुटआउटय् वंगु खः ।