काठमाडौं इलेभेनं चितवनयात बुकल

येँ – स्वक्वःगु एभरेस्ट प्रिमियर लिग (इपिएल) अन्तर्गत सोमवाः जूगु मेगु कासाय् काठमाडौं किंग्स इलेभेनं चितवन टाइगर्सयात खुगू विकेटं बुकूगु दु । किपूया त्रिभुवन विश्वविद्यालयया क्रिकेट मैदानय् जूगु कासाय् चितवनं बिउगु १६१ रनया चुनौतीयात काठमाडौं किंग्सं १८.५ ओभरय् प्यंगू विकेटया क्षतिइ पूवंकूगु खः ।

काठमाडांै किंग्सया निंतिं भारतीय कासामि सुब्रमण्यम आनन्दं अविजित ४३ रन, सागर पुनं ३९, नरेश बुढाऐरं २२, अमित श्रेष्ठं १८ रन दयेकूगु खः । काठमाडौंया निंतिं सम्शाद सेख, प्रदीप साहुं स्वंगू स्वंगू विकेट व सागर पुन, अमरसिंह राउटेला व केभिन ओ ब्रायनं छगू छगू विकेट काःगु खः ।

न्हापां ब्याटिङ्ग याःवःगु चितवनं १९.५ ओभरय् फुक्कं विकेटया क्षतिइ १६० रन दयेकूगु खः । चितवनया निंतिं दीपेन्द्र सिंह ऐरीं ४५ रन, पल स्टर्लिङ्गं ३४ रन, सन्दीप सुनारं २५ रन, पृथु बास्कोटां अविजित २० व भीम सार्कीं ७ रन दयेकूगु खः ।