‘जितः अझं बालन डि’ अर त्याकेमास्ति वः’

रियल म्याड्रिड इटलीयन क्लब युभेन्ट्स वंम्ह क्रिस्टियानो रोनाल्डोया टुरिनय् प्रजेन्टेशन जुल । प्रेजेन्टेशनय् न्ववासें ३३ दँया रोनाल्डों धाःगु दु, ‘थ्व उमेरय् अप्वः धयाथें कासामि कतार व चीनय् म्हितः वनाच्वंगु दु । तर जितः युभेन्ट्सं यागु विश्वासयात कयाः तसकं लय्ताया ।’
रोनाल्डों युभेन्टसया निंतिं थः लक्की स्टार जुयाः च्याम्पियन्स लिग त्याकेगु आशा प्वंकूगु दु ।

‘जितः त्याके मास्ति वः, जितः उत्कृष्ट जुइ मास्ति वः, छु सिउ जि हाकनं छक्वः बालन डे एवार्ड त्याकेत ताःलाइ ला’ न्याक्वःतक थ्व उपाधी त्याकेधुंकूम्ह रोनाल्डों धाःगु दु । गुदँ तक रियल म्याड्रिड च्वनेधुंकाः रोनाल्डो ९९.२ मिलियन पाउण्डं युभेन्टस् वंगु खः । युभेन्ट्सं जितः ह्वःताः बिउगु दु ।

जिगु फुटबल स्टाइलयात महत्व बिउगु दु । जितः थुकी गर्व दु । जिं आशा याये जि युभेन्ट्सयात अझ च्वये थ्यंकेफइ’ वं धाःगु दु । रियल म्याड्रिडया निंतिं ४०० गुलिं मल्याक गोल यायेधुंकूम्ह रोनाल्डों रियल च्वनाजःछि प्यक्वः च्याम्पियन्स लिग, निक्व ला लिग त्याकूगु खः ।