बेन्जमा साउदी क्लब अल इतिहादय् अनुबन्धित

एजेन्सी- फ्रान्सया कासामि करिम बेन्जेमा साउदी क्लबय् अनुबन्धित जूगु दु । स्पेनिस क्लब रियल म्याड्रिडं १४ दँ म्हितूम्हं बेन्जेमा रियल त्वःताः साउदी क्लब अल इत्तिहाद वंगु खः । अल इत्तिहाद साउदी प्रो लिग च्याम्पियन टिम खः । ३५ दँ दुम्ह बेन्जेमा अल इत्तिहादलिसे स्वदँया सम्झौता याःगु दु । साउदी प्रो लिगय् च्वंगु अल नासरं क्रिष्टियानो रोनाल्डो म्हिताच्वंगु दु ।

बालेन डे’ओर त्याकेधुंकूम्ह बेन्जेमां रियलं १४ दँ म्हिताः प्यंगू च्याम्पियन लिग व प्यंगू ला लिगा उपाधिसहित २५ गू उपाधि त्याकूगु दु । रियलपाखें बेन्जेमां ६४८ गू कासा म्हिताः ३५४ गोल याःगु दु । बेन्जमा सन् २००९ य् लियोनं रियल वंगु खः ।

अल इत्तिहादय् अनुबन्धित जुइवं बेन्जमां साउदी लिग बांलाःगु लिग जूगु व लिगय् बांलाःपिं कासामित दुगु धाःगु दु । क्रिष्टियानो रोनाल्डो थेज्याःपिं कासामि साउदीइ म्हिताच्वंगु धासें बेन्जेमां थम्हं नं न्हूगु चुनौती कयाः म्हितेगु धाःगु दु ।