लुम्बिनी कांग्रेस पिहां वल

येँ (नेपालभाषा टाइम्स) – लुम्बिनी प्रदेश सरकारं नेपाली कांग्रेस पिहां वःगु दु । केन्द्रय् सत्ता गठबन्धन स्यनेवं सरकारयात बियातःगु समर्थन लित कासें कांग्रेसया न्याम्ह मन्त्रीतय्सं मकाः राजीनामा बिउगु खः । कांग्रेसया लुम्बिनी संसदीय दलया सचेतक धनलक्ष्मी श्रेष्ठयाकथं मुख्यमन्त्री चेतनारायण आचार्ययात सरकारयात बियातःगु समर्थन लित कयागु पौलिसें मन्त्रीतय् मंकाः राजीनामा नं लःल्हाःगु खः । शहरी विकास तथा खानेपानी मन्त्री सरोज थापा, आर्थिक मामिला तथा योजना मन्त्री धनेन्द्र कार्की, उद्योग, पर्यटन तथा यातायात मन्त्री प्रचण्डविक्रम न्यौपाने, सामाजिक विकास मन्त्री जन्मजय तिमिल्सिना व वन तथा वातावरण मन्त्री देवकरणप्रसाद कलवारं मन्त्री पदं राजीनामा बिउगु खः ।