सांकेतिक भाय्या वृहत खँग्वःधुकू

येँ – नेपालय् न्हापांखुसी न्हाय्पनं मताःपिनिगु निंतिं सांकेतिक भाय्या वृहत खँग्वःधुकू बजारय् वःगु दु । अस्टे«लियन दूतावासया ग्वाहालिं १,१९८ पेजया उगु खँग्वःधुकूतिइ ४,३०० संकेतया आखःग्वः व किपा दुथ्याकातःगु दु । राष्ट्रिय बहिरा महासंघं थन ग्वसाः ग्वःगु छगू अन्तरक्रियात्मक ज्याझ्वलय् राष्ट्रियसभाया अध्यक्ष गणेशप्रसाद तिमिल्सिनां उगु खँग्वःधुकूया विमोचन यानादीगु खः ।

वय्कलं मोबाइल एप्लिकेशन, भिडियो व महासंघया वेबसाइटया नं उलेज्या यानादीगु खः । ज्याझ्वलय् नवासें वय्कलं दक्वं स्थानीय तहय् सांकेतिक भाषा प्रयोगया व्यवस्था यायेत सरारयात इनाप यानादिल ।