लघुवित्त विरुद्ध येँ प्रदर्शन

येँ (नेपालभाषा टाइम्स) – थःपिसं कयागु लघुवित्तया त्यासा खारेज यायेमाःगु माग यासें लघुवित्त पीडिततय्सं येँ केन्द्रित आन्दोलन न्ह्याकूगु दु । देय्या थीथी जिल्लां येँ थ्यंकः वःपिं पीडिततय्सं सरकारयात थःपिनिगु माग तत्काल संबोधन यायेत इनाप याःगु दु । लघुवित्तं काःगु त्यासा खारेज यायेमाःगु, ब्याज व बँ मिनाहा यायेमाःगु लिसे पीडित छेँजःपिंत राहत बीमाःगु माग यासें लघुवित्त पीडितत येँय् वयाः आन्दोलन याःगु खः ।आन्दोलनकारीतय्सं फिब्वख्यलय् प्रदर्शन यासें सरकारया ध्यानाकर्षण याकूगु खः । प्रदर्शनकारीतय्सं लघुवित्त संस्थातय्सं थीकेगु ब्याजदर, त्यासा म्हयेत बिउगु दबाव व आर्थिक भारया कारणं द्वलंद्वः छेँजःपिं समस्या लाःगु दाबी याःगु दु ।